Loading...

પુતિને ટ્રમ્પને આપેલા ફૂટબોલમાં સિક્રેટ-ડિવાઇસ? એક્સપર્ટ્સે વ્યક્ત કરી આશંકા

રશિયાના લીડરે યુએસ પ્રેસિડન્ટ ડોનાલ્ડ ટ્રમ્પને કોન્ફરન્સ દરમિયાન હળવી ક્ષણોમાં ગિફ્ટ આપી હતી

Divya Bhaskar Jul 19, 2018, 03:45 PM
એક્સપર્ટ્સ અનુસાર, વ્હાઇટ હાઉસ સિક્યોરિટી ચેકમાં પણ આ બોલ સરળતાથી પસાર થઇ શકે તેમ છે.

ઇન્ટરનેશનલ ડેસ્કઃ રશિયાના પ્રેસિડન્ટ વ્લાદિમીર પુતિને હેલસિંકી સમિટ દરમિયાન ટ્રમ્પને ગિફ્ટમાં આપેલા ફૂટબોલમાં મિનિ-માઇક્રોફોન લગાવ્યું હોવાની એક્સપર્ટ્સે આશંકા વ્યક્ત કરી છે. અમેરિકાના સિક્યોરિટી એક્સપર્ટ્સના જણાવ્યા અનુસાર, રશિયાના લીડરે યુએસ પ્રેસિડન્ટ ડોનાલ્ડ ટ્રમ્પને કોન્ફરન્સ દરમિયાન હળવી ક્ષણોમાં ગિફ્ટ આપી હતી. આ ફૂટબોલનો ટ્રમ્પે સ્વીકાર કર્યો અને તેને સામે બેઠેલી મલેનિયાને આપ્યો હતો. જો કે, સિક્યોરિટી એક્સપર્ટ્સે ક્રેમલિન સ્પાઇ વિઝાર્ડ્સે આ બોલમાં લિસનિંગ ડિવાઇસ (વાતચીત સાંભળી શકાય તેવું ઉપકરણ) ફિટ કર્યુ હોવાની આશંકા વ્યક્ત કરી છે.


ફૂટબોલના ફેબ્રિકમાં ડિવાઇસ ભરાવ્યું હોવાની આશંકા


- સર્વેલન્સ બોફિન્સના જણાવ્યા અનુસાર, કેટલાંક ડિવાઇસને આ પ્રકારના ફેબ્રિકમાં સ્ટીચ કરી શકાય છે. તે એટલાં બારીક હોય છે કે, તેને પકડવા મુશ્કેલ હોય છે.
- કેટલાંક ગેજેટ્સ એક મહિના સુધી પાવર સોર્સ વગર કામ કરી શકે છે. વળી, તેને પકડવા કે તે કોઇને નજરમાં આવે તે લગભગ અશક્ય હોય છે. એટલું જ નહીં, વ્હાઇટ હાઉસ સિક્યોરિટી ચેકમાં પણ આ બોલ સરળતાથી પસાર થઇ શકે તેમ છે.
- સૂત્રોના જણાવ્યા અનુસાર, લિસનિંગ બગ્સ (ડિવાઇસ) હવે નોન-મેટાલિક પણ બને છે અને તે ડિટેક્ટરમાં સરળતાથી પસાર થઇ શકે છે.

યુએસના સેનેટર લિન્ડસે ગ્રેહામે 16 જુલાઈએ ટ્વીટ કરી આશંકા વ્યક્ત કરી

ટ્રમ્પે કહ્યું 12 વર્ષના દીકરાને આપશે રમવા


- ટ્રમ્પે કહ્યું કે, આ ફૂટબોલ તે તેમના 12 વર્ષના દીકરા બેરોનને ગિફ્ટ આપશે. કારણ કે તે ફૂટબોલનો ફેન છે અને આર્સેનલને સપોર્ટ કરે છે.
- આ ઉપરાંત ન્યૂયોર્ક પ્રોપર્ટી ટાયકૂને પણ આ યાદગાર ફૂટબોલને ખરીદવાની તૈયારી દર્શાવી છે, પરંતુ સિક્રેટ સર્વિસ આ બોલને ટાયકૂનને નહીં આપે.
- યુએસ સેનેટર લિન્ડસે ગ્રેહામે પહેલીવાર આ ફૂટબોલ તરફ ધ્યાન દોર્યુ હતું. લિન્ડસેએ ટ્વીટ કરી હતી કે, મેં હમણાં જ જોયું કે, યુએસ સિક્રેટ સર્વિસ એજન્ટે પુતિને ટ્રમ્પને આપેલા સોકર બોલને સિક્યોરિટી સ્કેનરમાંથી બહાર કાઢ્યો છે. મેં આ અંગે જ્યારે જોક કર્યો તો તેઓએ મને સ્માઇલ ના આપી.
- લિન્ડસેએ બીજી ટ્વીટ કરી હતી, જેમાં 'જો હું ટ્રમ્પના સ્થાને હોઉં તો આ ફૂટબોલમાં લિસનિંગ ડિવાઇસ છે કે નહીં તે ચેક કર્યા વગર વ્હાઇટ હાઉસમાં એન્ટ્રી ના કરવા દઉં.'

ટ્રમ્પને મળવા 2000 કરોડની લિમોમાં પહોંચ્યા પુતિન, લીડર્સની કારની આ છે ખાસિયતો

કોન્ફરન્સ દરમિયાન આપ્યો હતો ફૂટબોલ


- ગત 16 જુલાઇના રોજ હેલસિંકીમાં મળેલી ટ્રમ્પ અને પુતિનની બેઠક બાદ પ્રેસ કોન્ફરન્સનું આયોજન કરવામાં આવ્યું હતું.
- આ કોન્ફરન્સમાં પુતિને રેડ-એન્ડ-વ્હાઇટ ફૂટબોલ બહાર કાઢી તેને ટ્રમ્પ તરફ ફેંક્યો હતો. આ સમયે ટ્રમ્પ પુતિનની બાજુના પોડિયમમાં ઉભા હતા.
- ટ્રમ્પે આ બોલ મલેનિયા તરફ ફેંક્યો હતો, તે કોન્ફરન્સમાં ફ્રન્ટ રૉમાં બેસીને ટ્રમ્પના જોક પર હસતી જોવા મળી હતી.
- એનબીસી ન્યૂઝના જણાવ્યા અનુસાર, આ ગિફ્ટને સિક્યોરિટી સ્કેનરમાંથી પસાર કરવામાં આવી છે.


પુતિન સાથે મુલાકાત બાદ બદલાયા ટ્રમ્પના સૂરઃ કહ્યું - મેં ખોટાં નિવેદન આપ્યા

આગળની સ્લાઇડ્સમાં જુઓ, આ પ્રેસ કોન્ફરન્સની વધુ તસવીરો...

Recommended


Loading...
Rashifal Gujarati સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: Russian leader gave the US President the gift during their summit in Helsinki
(News in Gujarati from Divya Bhaskar)