Loading...

દુબઇ અને અબુધાબીની ટૂર બનશે સરળ, UAE સરકારનો પ્લાન

930 રૂપિયા ચૂકવીને એ સમયગાળાને 96 કલાક સુધી વધારી શકાય છે

Divya Bhaskar Jun 20, 2018, 04:21 PM

ટ્રાવેલ ડેસ્કઃ UAE સરકારે એક ખાસ ભેંટ આપવાની જાહેરાત કરી છે. હવે ભારતથી યુએઇ જઇ રહેલાં લોકોને મફતમાં ટ્રાંજિટ વીઝા મળશે. આ સુવિધા હેઠળ દુબઇ અને અબુધામી જેવા મોટા શહેરોની યાત્રા કરી શકાશે. જોકે આ સુવિધા માત્ર 48 કલાક માટે હશે, ત્યારબાદ અંદાજે 930 રૂપિયા ચૂકવીને એ સમયગાળાને 96 કલાક સુધી વધારી શકાય છે. નોંધનીય છે કે હાલ આ એક પ્રપોઝલ છે અને ક્યારથી આ સુવિધા લાગૂ કરવામાં આવશે તે અંગે જણાવાયું નથી.

- યુએઇ થઇને ભારતથી વિશ્વના કોઇપણ ભાગમાં હવાઇ મુસાફરી કરનારા અને અન્ય દેશોમાંથી ભારત આવતા યાત્રીઓને ટૂંક સમયમાં આ સુવિધા આપવામાં આવશે.
- આ સુવિધા હેઠળ યાત્રી બે દિવસથી લઇને 4 દિવસ સુધી રોકાઇ શકે છે. જેમાં પ્રથમ 48 કલાક માટે ટ્રાંજિટ વીઝા આપવાનો નિર્ણય કર્યો છે.
- ભારતીય મુસાફરો માટે યુએઇ પહેલાંથી જ સૌથી મોટું ઇન્ટરનેશનલ ડેસ્ટિનેશન છે. ભારત અને યુએઇ વચ્ચે મુસાફરો મોટાભાગે ત્રણ મોટી એરલાઇન્સમાં મુસાફરી કરે છે.
- જેટ એવરેજમાં પણ એતિહાદના 24 ટકા શેર છે અને તે અબુધાબીની ફ્લાઇટ્સ માટે ફીડરનું કામ કરે છે.
- અત્યાર સુધી ભારતથી વિશ્વભરના વિવિધ ભાગોમાં જનાલા લોકામાં 75 ટકા લોકો જ યુએઇ થઇને પસાર થતાં હતા.
- પરંતુ આ નવા નિર્ણય બાદ ત્યાંથી પસાર થતાં મુસાફરોની સંખ્યામાં વધારો થઇ શકે છે.
- દુબઇ ટૂરિઝમના આંકડા પ્રમાણે 2017માં અંદાજે 21 લાખ પ્રવાસીઓ દુબઇ આવ્યા હતા. જે 2016ની સરખામણીએ 15 ટકા વધારે છે.
- 2017માં અંદાજે 3.60 લાખ ભારતીયોએ અબુધાબીની મુલાકાત લીધી હતી. આ આંકડો પણ 2016ની સરખામણીએ 11 ટકા વધારે છે.


Loading...

Recommended


Loading...
Rashifal Gujarati સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: free transit visa to Dubai UAE will announce soon
(News in Gujarati from Divya Bhaskar)