ગૂગલ આપી રહ્યું છે 5 લાખ રૂપિયાની સ્કોલરશિપ, કોમ્પિટિશન વિનરને મળશે

ડૂડલ 4 ગૂગલમાં ભાગ લેવાની છેલ્લી તારીખ 6 ઓક્ટોબર

દાદા સાહેબ ફાળકેની યાદમાં તૈયાર કરવામાં આવેલું ગૂગલ ડૂડલ
Divyabhaskar.com Aug 14, 2018, 07:53 PM IST

ગેજેટ ડેસ્કઃ ગૂગલે હાલમાં જ 2018 ડૂડલ 4 ગૂગલ સ્કોલરશિપ પ્રોગ્રામની જાહેરાત કરી. આ પ્રોગ્રામમાં દેશભરના સ્ટુડન્ટ્સ પાર્ટિસિપેટ કરી શકે છે. અમુક ખાસ દિવસોમાં ગૂગલના હોમ પેજ પર ગૂગલના લોગોની જગ્યાએ યુનિક ડિઝાઇનમાં ગૂગલ લખેલું હોય છે તેને 'ગૂગલ ડૂડલ' કહેવાય છે. આ પ્રોગ્રામમાં ભાગ લેવા માટે સ્ટુડન્ટ્સે ગૂગલ માટે ડૂડલ બનાવવાનું રહેશે. આ વર્ષે ગૂગલ ડૂડલની થીમ 'What Inspire You' રાખી છે. બીજા શબ્દોમાં કહીએ તો સ્ટુડન્ટ્સે તેમને જ્યાંથી પ્રેરણા મળે છે તેને ગૂગલ ડૂડલના સ્વરૂપે રજૂ કરવાની રહેશે.  

 

ગૂગલનું આ ડૂડલ 'G-o-o-g-l-e' અક્ષરોનો યૂઝ કરીને બનાવવાનું રહેશે. ડૂડલ બનાવવા માટે સ્ટુડન્ટ વૉટર કલર, ગ્રાફિક્સ ડિઝાઇન અને ક્રેયોન કલર્સનો યૂઝ કરી શકે છે. ડૂડલ વિનરને 5 લાખ રૂપિયાની સ્કોલરશિપ મળશે. સાથે જ વિજેતા બનનાર ડૂડલને ચિલ્ડ્રન્સ ડે (14 નવેમ્બર)ના દિવસે ગૂગલના હોમ પેજ પર લગાવવામાં આવશે.

 

આ સ્કોલરશિપ કોમ્પિટિશનમાં 1થી 10 ધોરણ સુધીના સ્ટુડન્ટ્સ ભાગ લઇ શકે છે અને તેમાં પાર્ટિસિપેટ કરવાની છેલ્લી તારીખ 6 ઓક્ટોબર છે. ઉલ્લેખનીય છે કે, ગૂગલ ડૂડલની પહેલી એડિશન 2009માં યોજાઇ હતી તેની થીમ માય ઇન્ડિયા હતી. તમારા કોઇ બાળકને આ ડૂડલ કોમ્પિટિશનમાં ભાગ લેવડાવવો હોય તો વધુ માહિતી માટે અહીં ક્લિક કરો.

 

Share

Loading...

Recommended News

Rashifal Gujarati સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: how to enter Google Doodle 4 Scholrship Program
(News in Gujarati from Divya Bhaskar)