રિ-લોન્ચ / સુઝુકી GSX-S750ની નવી એડિસન ભારતમાં લોન્ચ, કિંમત રૂપિયા 7.46 લાખથી શરુ

  • સુઝુકી ઈન્ડિયાએ GSX-S750ને નવા બે માં ઉપલબ્ધ કરાવી છે
  • આ બાઈકની સ્પર્ધા કાવાસાકી Z900, ટ્રાયમ્ફ સ્ટ્રીટ ટ્રિપલ, એપ્રિલિયા શિવર 900 અને ડુકાટી મોન્સ્ટર 821 સાથે થશે
Divyabhaskar.com Apr 18, 2019, 11:45 AM IST
ઓટો ડેસ્ક. સુઝુકી મોટર સાયકલ ઈન્ડિયાએ ભારતમાં તેની 2019 એડિશન સુઝુકી GSX-S750ને લોન્ચ કરી છે. જેની પ્રારંભિક કિંમત રૂપિયા 7.46 લાખ નક્કી રાખવામાં આવી છે. આ કિંમત બાઈકનાં જૂના મોડલની બરોબર છે. પરંતુ કંપનીએ GSX-S750ને નવા કલર્સ મેટાલિક મેટ બ્લેક અને પર્લ ગ્લેશિયર વ્હાઈટ કલરમાં ઉપલબ્ધ કરાવી છે. બાઈકમાં ગ્રાફિક્સ પણ અપડેટ કરવામાં આવ્યા છે.

નવા કલર્સ અને ગ્રાફિક્સનો ઉમેરો કરવામાં આવ્યો

  • 1.વૈશ્વિક રૂપે સુઝુકી GSX-S750ને નવા કલર્સ સાથે જ લોન્ચ કરવામાં આવી છે. જોકે કંપનીએ આ બાઈકમાં કોઈપણ પ્રકારનો ટેકનિકલ ફેરફાર નથી કર્યો. 2019 સુઝુકી GSX-S750 સમાન ઈનલાઈન ચાર સિલિન્ડર એન્જિન સાથે આવે છે. આ બાઈક GSX-S1000થી પ્રેરિત ડિઝાઈન લેગ્વેજ સાથે આવે છે. કંપનીએ ભારતમાં તેના ડિરલશીપ ખાતેથી બુકિંગ પણ શરૂ કરી દીધું છે. 
  • 2.નવી બાઈક લોન્ચ કરવા પર સુઝુકી બાઈક ઈન્ડિયાનાં વાઈસ પ્રેસિડેન્ટ દેવાશીશ હાંડાએ કહ્યું કે, 2019 એડિશન GSX-S750ને લોન્ચ કરતાં અમે ખુશી અનુભવી રહ્યા છીએ. તેમાં નવા કલર્સ અને ગ્રાફિક્સનો ઉમેરો કરવામાં આવ્યો છે. જેનાથી તે સ્ટાઈલિશ અને આકર્ષક લાગે છે. અમને પુરો વિશ્વાસ છે કે નવી ડિઝાઈન બાઈકને નવી દિશા આપશે અને તેની પસંદગી કરતા ગ્રાહકોને પણ સારો અનુભવ કરાવશે. ગત વર્ષે લોન્ચ કર્યા પછી સુઝુકી GSX-S750ને ગ્રાહકો તરફથી સારો પ્રતિભાવ મળ્યો હતો. ભારતમાં આ બાઈકને ખૂબ પસંદ કરવામાં આવે છે. 
  • 3.2019 સુઝુકી GSX-S750 મિડલવેટ નેકેડ મોટરસાયકલમાં 749 સીસીનું લિક્વિડ-કૂલ્ડ, ઈન લાઈન ચાર સિલિન્ડર એન્જિન લગાવેલું છે. જે 113 બીએચપીનો પાવર અને 81 એનએમનો ટોર્ક જનરેટ કરે છે. કંપનીએ તેના એન્જિનને 6 સ્પીડ ગિયરબોક્સમાં સજ્જ કર્યું છે. આ બાઈક ટ્રેક્શન કન્ટ્રોલ સાથે આવે છે. બાઈકનાં આગળનાં ભાગમાં 41mm USD કાયબાસ ફોર્ક્સ અને પાછળનાં ભાગે 7 સ્ટેુપ પ્રી-લોડ એડજસ્ટેબલ મોનોશોક સસ્પેન્સન લગાવ્યા છે. બંને વ્હીલમાં ડિસ્કબ્રેક આપવાની સાથે નિસાન પાસેથી લીધોલી એન્ટી લોક બ્રેકિંગ સિસ્ટમ પણ લગાવેલી છે. તેની સ્પર્ધા માર્કેટમાં કાવાસાકી Z900, ટ્રાયમ્ફ સ્ટ્રીટ ટ્રિપલ, એપ્રિલિયા શિવર 900 અને ડુકાટી મોન્સ્ટર 821 જેવી બાઈક્સ સાથે થવાની છે. 
Share
Next Story

શાંઘાઈ ઓટો શો / એસ્ટન માર્ટિન, મર્સિડીઝ અને ટોયોટાએ પ્રસ્તુત કરી કોન્સેપ્ટ કાર

Next

Loading...

Recommended News

Rashifal Gujarati સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: 2019 Suzuki GSX-S750 new Edition launch in India
(News in Gujarati from Divya Bhaskar)