Dainik Bhaskar Brings you the latest Hindi News

રાજકોટમાં 6 સેકન્ડમાં 10 લાખના સોના-ચાંદીના ઘરેણાં ભરેલા થેલાની લૂંટ, ઘટના CCTVમાં કેદ

રાજકોટ: જામનગરના એક દિવ્યાંગ સહિતના બે વેપારી મંગળવારે રાત્રીના 9.30 આસપાસ કરણપરામાં ચબૂતરા ચોક પાસે ઊભા હતા ત્યારે ટ્રિપલસવારી બાઇકમાં આવેલા લૂંટારુઓમાંથી એક શખ્સ દિવ્યાંગ વેપારી પાસેથી રૂ.10 લાખના સોના-ચાંદીના ઘરેણાં અને કાચોમાલ ભરેલા થેલાની લૂંટ ચલાવીને નાસી છૂટ્યા હતા. લૂંટારુઓએ લૂંટની ઘટનાને માત્ર છ સેકન્ડમાં જ અંજામ આપી દીધો હતો. દિવ્યાંગ વેપારીએ લૂંટારુઓનો પીછો કરવાની કોશિશ કરી હતી, પરંતુ તેઓ સફળ થયા નહોતા. આ સમયે કરણપરામાંથી પસાર થયેલા એક બાઇકચાલકે પણ લૂંટારુ ત્રિપુટીનો પીછો કર્યો હતો પરંતુ તેને પણ સફળતા મળી નહોતી. લૂંટની ઘટનાની જાણ થતાં ક્રાઇમ બ્રાંચ અને એ.ડિવિઝન પોલીસ દોડી ગઇ હતી અને સીસીટીવી ફૂટેજના આધારે તપાસનો ધમધમાટ શરૂ કરતાં લૂંટારુઓ પ્રહલાદ પ્લોટ તરફ ભાગ્યા હોવાનું સ્પષ્ટ થતાં બે ટુકડીઓને પ્રહલાદ પ્લોટ અને આ રોડને જોડતા માર્ગો પર દોડાવાઈ હતી.

  • 2K
  • 3 months ago

Dainik Bhaskar Brings you the latest Hindi News

TRENDING