Home »Uttar Gujarat »Latest News »Patan» Temporary Duty Officers Serving Strike In Patan

પાટણ: સરકારી કચેરીમાં હંગામી ફરજ બજાવતા કર્મીઓની અચોકકસ મુદતની હડતાળ

Bhaskar News, Patan | Mar 21, 2017, 02:09 AM IST

પાટણ:  સમગ્ર ગુજરાતમાં સરકારી વિભાગોમાં 11 માસના કરાર આધારિત ફરજ બજાવતા કર્મચારી ધ્વારા સમાન નોકરી સમાન વેતનના મુદ્દે તાજેતરમાં આવેદનપત્ર આપી તેઓની માંગ સંતોષવાની રજુઆત કરવામાં આવી હતી. પરંતુ હંગામી કર્મચારીઓની માંગ નહિ સંતોષાતા સોમવારના રોજથી પાટણ જિલ્લા ગ્રામ વિકાસ એજન્સી ધ્વારા સંચાલિત વિવિધ વિભાગોમાં હંગામી ફરજ બજાવતા કર્મચારીઓએ અચોકકસ મુદતની હડતાળનું રણસીંગુ ફુકતા વિવિધ સરકારી વિભાગોના કામો ખોરંભે ચડ્યા હતા.
 
અગીયાર માસ આધારિત ફરજ બજાવતા પાટણ જિલ્લા ગ્રામ વિકાસ એજન્સી સંચાલિત વિવિધ શાળાઓ જેવી કે નરેગા યોજના સ્વચ્છ ભારત મિશન મિશન મંગલ્મ વોટર રોડ પ્રધાનમંત્રી આવાસ યોજના જેવા વિભાગોના કુલ 280 જેટલા કર્મચારીઓએ સમાન નોકરી સમાન પગાર અને સમાન સુરક્ષાના મુદ્દે સોમવારના રોજ શહેરની કલેકટર કચેરી બાજુમાં આવેલી સિંધવાઇ માતાના સાનિંધ્યમાં અચોકકસ મુદ્દતની હડતાલના શ્રી ગણેશ કર્યા હતા. 

આ હડતાલમાં જોડાયેલ હંગામી મહિલા કર્મચારી જાગૃતિબેન જણાવ્યુ હતું કે જ્યાં સુધી અમોને અમારો હક નહીં મળે ત્યાં સુધી અમારી હડતાલ ચાલુ રહેશે તેઓએ આગામી 28 મી માર્ચ 
દિલ્હી ખાતે આયોજિત વડાપ્રધાનને આવેદનપત્ર આપવાના કાર્યક્રમમાં સમગ્ર ગુજરાતના હંગામી કર્મચારીઓ સાથે પાટણ જિલ્લાના કાર્યકર્તાઓ પણ જોડાનાર હોવાનું જણાવ્યુ હતું.
 
હિતેષભાઇ પટેલ નામના હંગામી કર્મચારીએ અચોકકસ મુદતની હડતાલ કલેકટર કચેરી સામે યોજવા માટે પ્રાંત અધિકારી પાસે મંજુરી માંગી હોવાનો ઉલ્લેખ કરી હંગામી કર્મચારીઓની માંગ સંતોષવા સરકાર કટ્ટીવધ્ધ બને તેવી આશા વ્યકત કરી હતી.
(Latest Gujarati News) સાથે જોડાયેલા અન્ય (Uttar Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Temporary duty officers serving strike in Patan
(Read News in Gujarati from Divya Bhaskar)
DBPL T20

Next Article

Recommended