Home »Uttar Gujarat »Latest News »Mehsana» 40 Degree Temperature Hit In Week, Meteorological Department

ગરમીનો પારો અઠવાડિયામાં 40 ડિગ્રી પહોંચશે : હવામાન વિભાગ

Bhaskar News, Mehsana | Mar 21, 2017, 03:49 AM IST

  • ગરમીનો પારો અઠવાડિયામાં 40 ડિગ્રી પહોંચશે : હવામાન વિભાગ,  mehsana news in gujarati
મહેસાણા:  મહેસાણા જિલ્લામાં ઉનાળો હવે પરચો બતાવી રહ્યો છે. સોમવારે ગરમીનો પારો 35 ડિગ્રીએ પહોંચ્યો હતો. જયારે આગામી બે દિવસમાં તાપમાનમાં 3 ડિગ્રીના વધારા સાથે પારો 38 ડિગ્રીએ પહોંચવાની આગાહી હવામાન વિભાગે કરી છે. બીજી તરફ વધતી ગરમી વચ્ચે હાલમાં જિલ્લાવાસીઓ પ્રતિદિન 30 ટન જેટલાં તરબૂચ અને 40 ટન જેટલી શેરડીનો રસ પી જાય છે.
 
ઉનાળો હવે તેના મૂળ સ્વરૂપમાં આવી રહ્યો હોય તેમ સોમવારે બપોરે 1 કલાકે જિલ્લાનું સરેરાશ મહત્તમ 35 ડિગ્રી તથા લઘુત્તમ 21 ડિગ્રી તપામાન નોંધાયું હતું. તે સમયે વાતાવરણમાં ભેજનું પ્રમાણ 19 ટકાની સાથે પ્રતિ કલાકે 6 કિમીની ઝડપે પવન ફૂંકાયો હતો. વધતી ગરમીને પગલે શહેરમાં બપોરના સમયે ધીમે ધીમે પ્રજાનો ઓછો ધસારો જોવા મળી રહ્યા છે. જોકે,  આગામી બે દિવસમાં તાપમાનમાં 3 ડિગ્રીનો વધારો થતાં પારો 38 ડિગ્રીએ પહોંચી જશે તેમજ માર્ચ મહિનાના અંત સુધીમાં પારો 40 ડિગ્રી પહોંચી જવાની શક્યતા હવામાન ખાતા દ્વારા કરાઇ છે.

ગરમીમાં 5 દિવસમાં 7 સાપ દેખાયા
છેલ્લા પાંચેક દિવસમાં શહેરના મોઢેરા રોડ, સોમનાથ રોડ, દેવરાસણ અને રામોસણા રોડ પર સ્થિત રહેણાંક વિસ્તારોમાં 5 કોબ્રા, 1-1 ધામણ અને કાળોતરો મળી કુલ 7 સાપ મળી આવ્યા હોવાની સાથે જેમ જેમ ગરમી વધશે તેમ સાપ દેખાવાની સંખ્યામાં વધારો થવાનું  સેવ સ્નેકર ગૃપના મુકેશ રમેશચંદ્ર જાનીએ જણાવ્યું હતું. 
(Latest Gujarati News) સાથે જોડાયેલા અન્ય (Uttar Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: 40 degree temperature hit in week, Meteorological Department
(Read News in Gujarati from Divya Bhaskar)
DBPL T20

Next Article

Recommended