Home »Sports »Cricket »Latest News» Live Cricket Score Of India Vs Australia 3rd Test Day 5 From Ranchi

ભારત-ઓસ્ટ્રેલિયા વચ્ચેની ત્રીજી ટેસ્ટ ડ્રો, પૂજારાની બેવડી સદી, જાડેજાની 9 વિકેટ

divyabhaskar.com | Mar 21, 2017, 07:49 AM IST

સ્પોર્ટ્સ ડેસ્ક:ભારત અને ઓસ્ટ્રેલિયા વચ્ચે રાંચીમાં રમાયેલ ત્રીજી ટેસ્ટ મેચ ડ્રો થઇ હતી. ભારતને મેચ જીતવા માટે અંતિમ દિવસે 8 વિકેટની જરૂર હતી પરંતુ શોન માર્શ અને પીટર હેન્ડ્સકોમ્બે મળીને ટીમની હારને ટાળી હતી. અંતિમ દિવસે સ્ટમ્પ સુધી ઓસ્ટ્રેલિયાએ 6 વિકેટે 204 રન બનાવ્યા હતા. ભારત તરફથી રવિન્દ્ર જાડેજાએ સૌથી વધુ 9 વિકેટ જ્યારે ચેતેશ્વર પૂજારાએ બેવડી સદી ફટકારી હતી. ચેતેશ્વર પૂજારાને આ ઇનિંગ બદલ મેન ઓફ ધ મેચ જાહેર કરવામાં આવ્યો હતો. આ પહેલા ભારતે પ્રથમ ઇનિંગ 603/9 રને ડિકલેર કરી 152 રનની લીડ મેળવી હતી. ઓસ્ટ્રેલિયાએ આ પહેલા પ્રથમ ઇનિંગમાં 451 રન બનાવ્યા હતા. 4 ટેસ્ટ મેચની શ્રેણીમાં બન્ને ટીમ 1-1ની બરાબરી પર છે. હવે ચોથી ટેસ્ટ મેચ 25 માર્ચથી ધરમશાળામાં રમાશે.
 
રવિન્દ્ર જાડેજાની ટેસ્ટમાં 9 વિકેટ
 
-રવિન્દ્ર જાડેજાએ ઓલ રાઉન્ડર પ્રદર્શન કર્યુ હતું. જાડેજાએ પ્રથમ ઇનિંગમાં અણનમ 54 રનની ઇનિંગ રમી હતી સાથે જ ટેસ્ટમાં 9 વિકેટ પણ ઝડપી હતી. 
- જાડેજાએ પ્રથમ ઇનિંગમાં 5 જ્યારે બીજી ઇનિંગમાં 4 વિકેટ ઝડપી હતી.
- જાડેજાએ ઓસ્ટ્રેલિયાની બીજી ઇનિંગમાં ડેવિડ વોર્નરને 17, નાથન લાયનને 0 અને સ્ટીવ સ્મિથને 21 તેમજ શોન માર્શને 53 રને આઉટ કર્યા હતા.
 
ચેતેશ્વર પૂજારાની બેવડી સદી
 
- ચેતેશ્વર પૂજારાએ 202 રન બનાવ્યા હતા. આ તેની કારકિર્દીની ત્રીજી બેવડી સદી હતી.
- જ્યારે રિદ્ધિમાન સહાએ કારકિર્દીની ત્રીજી સદી ફટકારતા 117 રનની ઇનિંગ રમી હતી. 
 ચેતેશ્વર પૂજારાએ ટેસ્ટ કારકિર્દીની ત્રીજી બેવડી સદી ફટકારી હતી.
- પૂજારાએ ઓસ્ટ્રેલિયા વિરૂદ્ધ બીજી બેવડી સદી ફટકારી હતી જ્યારે અમદાવાદમાં ઇંગ્લેન્ડ વિરૂદ્ધ તેને 206 રનની ઇનિંગ રમી હતી.
- ચેતેશ્વર પૂજારા સૌથી વધુ ટેસ્ટ બોલ રમનાર ભારતીય ખેલાડી પણ બની ગયો છે.
- આ પહેલા રાહુલ દ્રવિડે પાકિસ્તાન વિરૂદ્ધ 2004માં 495 બોલ રમી 270 રન બનાવ્યા હતા.
- ચેતેશ્વર પૂજારા અને રિદ્ધિમાન સહા વચ્ચે સાતમી વિકેટ માટે 199 રનની ભાગીદારી નોધાઇ હતી.
 

ઓસ્ટ્રેલિયા 451માં ઓલ આઉટ
 

- ઓસ્ટ્રેલિયા તરફથી કેપ્ટન સ્ટીવ સ્મિથે સૌથી વધુ અણનમ 178 રનની ઇનિંગ રમી હતી.
- જ્યારે ગ્લેન મેક્સવેલે 104 રન બનાવ્યા હતા.
- સ્મિથ અને મેક્સવેલે પાંચમી વિકેટ માટે 191 રનની ભાગીદારી કરી હતી.
- સ્મિથે કારકિર્દીની 19મી સદી ફટકારી હતી જ્યારે મેક્સવેલે પ્રથમ સદી ફટકારી હતી.
  
આગળની સ્લાઇડમાં જુઓ, મેચની લેટેસ્ટ તસવીરો...
(Cricket Gujarati News) સાથે જોડાયેલા અન્ય (Sports Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Live Cricket Score Of India Vs Australia 3rd Test Day 5 From Ranchi
(Read News in Gujarati from Divya Bhaskar)
DBPL T20

Next Article

Recommended