Home »Sports »Cricket »Latest News» Dhoni And Team India Start Practice Before Australia Series 2013

સચિનના શોટ પર તૂટ્યો કાચ, વીરૂને આવ્યા નંબરના ચશ્મા

divyabhaskar.com | Feb 17, 2013, 15:14 PM IST

ભારતની અભ્યાસ શિબિર શરૂ
ઓસ્ટ્રેલિયા સામે ચેન્નાઇમાં ૨૨ ફેબ્રુઆરીથી શરૂ થનારી પ્રથમ ટેસ્ટ પહેલાં ભારતની ૧૫ સભ્યોની ટીમે બેંગ્લોરમાં શનિવારથી ત્રણ દિવસની અભ્યાસ શિબિરની શરૂઆત કરી છે.

મહેન્દ્રસિંહ ધોનીની સેના ૧૯ ફેબ્રુઆરીએ ચેન્નાઈ જવા રવાના થશે. ભારતીય કોચ ડંકન ફલેચર અને સહયોગી સ્ટાફે ૧૫ યુવા બોલરોને સચિન તેંડુલકર અને વીરેન્દ્ર સેહવાગ સહિત ભારતીય બેટ્સમેનો સામે બોલિંગ કરવાની જવાબદારી સોંપી હતી.

આમાંના નવ ફાસ્ટ બોલર અને છ સ્પિનર છે જેમને વિભિન્ન શહેરોમાં યોજાયેલા ટ્રાયલ બાદ પસંદ કરવામાં આવ્યા છે. ત્યાર બાદ તેઓને મુંબઇ, ચેન્નાઈ અને મોહાલીમાં આવેલી ક્ષેત્રિય એકેડેમીઓમાં પોતાની પ્રતિભાને નિખારવા માટે મોકલવામાં આવ્યા હતા. આ કાર્યક્રમ એનસીએના પૂર્વ નિર્દેશક અને ભારતના પ્રવર્તમાન મુખ્ય પસંદગીકાર સંદીપ પાટીલના ભેજાની ઊપજ છે.

સચિને હરભજન ઉપરાંત નવા 15 યુવા બોલરોના બોલ પર મોટા શોટ માર્યા હતા. તેમાનો એક શોટ પેવેલિયન એરિયાની બારીના કાચ પર અથડાયો હતો જેના કારણે કાચ તૂટી ગયો હતો. આ ઉપરાંત વીરેન્દ્ર સેહવાગ પણ અલગ લૂકમાં જોવા મળ્યો હતો. પ્રેક્ટિસ દરમિયાન તેણે નંબરના ચશ્મા પહેર્યા હતા.

આગળ ક્લિક કરો અને જુઓ પ્રેક્ટિસની તસવીરો....

(Cricket Gujarati News) સાથે જોડાયેલા અન્ય (Sports Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: dhoni and team india start practice before australia series 2013
(Read News in Gujarati from Divya Bhaskar)
DBPL T20

Next Article

Recommended