Home »Saurashtra »Latest News »Rajkot City» Gagadayo Gold, Rs .570 Decreased

સોનાનો ભાવ ગગડયો, રૂ.પ૭૦ ઘટયો

Hetal Patel, Rajkot | Dec 19, 2012, 12:33 PM IST

gold1_300_04- વિશ્વબજાર પાછળ ચાંદીમાં રૂ. ૧૪૦૦નો કડાકો નોંધાયો



આજે ભારતીય બુલિયન બજારમાં સોના ચાંદીના ભાવમાં જંગી કડાકો જોવા મળ્યો હતો. વિશ્વબજારની નરમાઇ, ડોલર સામે રૂપિયાની મજબૂતાઇ તેમજ સ્ટોકસ્ટિની વેચવાલી નીકળતા સોનામાં રૂ.૬૦૦ અને ચાંદીમાં રૂ.૧૪૦૦ સુધીનો ભાવઘટાડો થઇ જતાં કિંમતી ધાતુઓના ભાવ દોઢ મહિનાની નીચી સપાટીએ જોવા મળ્યા હતા. કિંમતી ધાતુઓમાં સુરક્ષિત રોકાણ ઘટતા વૈશ્વિક સોનું ઘટીને ૧૬૭૦ ડોલર સુધી જોવાયું હતું.



સપ્તાહની શરૂઆતથી કિંમતી ધાતુઓના ભાવમાં ભારે અફરાતફરી જોવાઇ રહી છે. આજે યુએસ ડોલર સામે રૂપિયો મજબૂત થતાં સોનાની આયાતકિંમત ઘટી જતાં ભાવ તૂટયા હતા. વધુમાં ગઇકાલે જ વૈશ્વિક સોનામાં ૨૫ ડોલરનો ઘટાડો થઇ જતાં તેની બજાર પર અસર દેખાઇ હતી. સ્થાનિકમાં રાજકોટ ખાતે સોનાના ભાવ રૂ.૬૦૦ ઘટી રૂ.૩૧,૦૭૦, સોનું બિસ્કિટ રૂ.૬૦૦૦ ઘટી રૂ.૩,૧૦,૭૦૦ અને ચાંદી રૂ.૧૪૦૦ ઘટી રૂ.૫૯,૦૦૦ના મથાળે હતી. વિશ્વબજારમાં મોડી સાંજ સુધી ઘટાડાનો દોર ચાલુ રહ્યો હતો.



આ લખાય છે ત્યારે હાજરમાં સોનું ૪.૮૦ ડોલર ઘટી ૧૬૭૧.૬૦ ડોલર તેમજ ચાંદી ૪૮ સેન્ટ તૂટી ૩૧.૨૭ ડોલર પ્રતિ ઔંશ થઇ હતી.  સ્થાનિકમાં સોનાના ભાવ રૂ.૩૨,૯૦૦ની સર્વોચ્ચ સપાટીએથી તૂટીને રૂ.૩૧,૦૦૦ નજીક પહોંચી જતાં લોકોમાં ખરીદીનો ઉત્સાહ જોવા મળે તેવી આશા છે.



- મુખ્ય શહેરોમાં સોનાનો ભાવ



રાજકોટ ૩૧,૦૭૦ -૬૦૦
અમદાવાદ ૩૧,૦૭૫ -૬૨૫
મુંબઇ ૩૦,૬૭૦ -૬૩૦
દિલ્હી ૩૧,૨૦૦ -૫૦૦
કોલકાતા ૩૧,૧૨૫ -૫૪૫




(Latest Gujarati News) સાથે જોડાયેલા અન્ય (Saurashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: gagadayo gold, rs .570 decreased
(Read News in Gujarati from Divya Bhaskar)

Next Article

Recommended