Home »Saurashtra »Latest News »Rajkot City» Mothers Day: Start Ganthiya Cart After Husband Death In Rajkot

પતિના મૃત્યુના 15માં દિ'એ શરૂ કરી ગાંઠિયાની લારી, સંતાનોને આપે છે ઉચ્ચ શિક્ષણ

divybhaskar.com | May 14, 2017, 12:31 PM IST

  • આ માતા ગાંઠિયાની લારી ચલાવી સંતાનો આપી રહી છે ઉચ્ચ શિક્ષણ
રાજકોટ:મા પર પ્રેમ વરસાવાનો દિવસ એટલે મધર્સ ડે. આજે આપણે એવી માની વાત કરવી છે જેણે પતિના મૃત્યુ બાદ ગાંઠિયાની રેકડી શરૂ કરી સંતાનોને ઉચ્ચ શિક્ષણ આપ્યું છે. પતિના અવસાનના 15 દિવસે જ ગાંઠિયાની રેકડી શરૂ કરી દીધી હતી. 
 
રાજકોટના રીટાબેન પતિના મૃત્યુ બાદ મમ્મી-પપ્પાની જવાબદારી હોંશેહોંશે નિભાવે છે
 
રાજકોટમાં 150 ફૂટ રિંગ રોડ પર આવેલા ધરમનગરમાં રહેતા રીટાબેન મેટવાણીયાના પતિ પ્રવીણભાઇ પુરણદાસ મેટવાણીયા 7 વર્ષ પહેલા મૃત્યુ પામ્યા હતા. પતિના અવસાનના 22 દિવસ બાદ સંતાનોની સ્કૂલ-કોલેજ શરૂ થતી હતી.  સંતાનોની ફી ભરવાનો પ્રશ્ન સજાર્યો. આથી પતિના અવસાન બાદ 15માં દિવસે જ રીટાબેને પરિવારજનો પાસેથી આર્થિક મદદની અપેક્ષા રાખ્યા વગર ગાંઠિયાની રેકડી શરૂ કરી દીધી. રીટાબેન પર સંતાનોની જવાબદારી આવી પડી અને આજે તેઓ મમ્મી-પપ્પાની જવાબદારી હોંશે હોંશે નિભાવી રહ્યા છે. 
 
રીટાબેનને સંતાનમાં એક દીકરો અને બે દીકરી છે 
 
રીટાબેનને સંતાનમાં બે દીકરી અને એક દીકરો છે. જેમાં ગાંઠિયાની રેકડીમાંથી આવક
મેળવી મોટી દીકરીને ઉચ્ચ શિક્ષણ આપી લગ્ન કર્યા. તો બીજી દીકરી રાજવીએ બીએસસી પૂરું કર્યું છે. તે પ્રોફેસર બનવા માંગે છે. જ્યારે દીકરા લાલાએ 11માં ધોરણની પરીક્ષા આપી છે. 
 
દીકરી રાજવી શું કહે છે પોતાની મા વિશે
 
રીટાબેનની બીજા નંબરની દીકરી રાજવીએ જણાવ્યું હતું કે, મા રોજ સવારે ચાર વાગે ઉઠી ગાંઠિયાનો લોટ, સંભારો, દાળ-ભાત, શાક-રોટલી તૈયાર કરે છે. માના આ કાર્યમાં ભાઇ પણ શક્ય તેટલી મદદ કરે છે. મા બપોરે બે વાગે ગાંઠિયાની રેકડી પરથી ઘરે પરત ફરે છે. ત્યારબાદ જ રસોઇ બનાવી અમને ખવડાવે છે. 
 
રીટાબેન અન્ય લોકોને સાક્ષર બનવાની આપે છે શિખ
 
રીટાબેન પોતે સાક્ષર હોવાથી તેમને પોતાના જીવનમાં ખૂબ ફાયદો પહોંચ્યો છે. તેથી તે સૌ કોઈને સાક્ષર બનવાની શિખ આપે છે. બીજી તરફ રાજવી પોતાની માતાને સમાજમાં ઉચ્ચ સ્થાન આપવા માટે એક સ્વપ્ન પણ ધરાવે છે. જેથી તે સમાજમાં પોતાનું યોગદાન પણ આપી શકે અને જે આર્થિક ઉપાર્જન થાય તેનાથી તે પોતાની માતાને આ કાળી મજૂરીમાંથી નિવૃતિ અપાવી શકે.
 
આગળની સ્લાઇડ્સ રીટાબેન ગાંઠિયાની રેકડી ચલાવી પોતાના સંતાનોની જવાબદારી નિભાવી રહ્યા છે તેની અન્ય તસવીરો...
(Latest Gujarati News) સાથે જોડાયેલા અન્ય (Saurashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: mothers day: start ganthiya cart after husband death in rajkot
(Read News in Gujarati from Divya Bhaskar)
DBPL T20

Next Article

Recommended