Home »Saurashtra »Latest News »Rajkot City» Khodaldham Pranpratishtha Mahotsvav: Ma Khodal Born 1200 Year Ago

મહાદેવના વરદાનથી 1200 વર્ષ પૂર્વે મા ખોડલ અવતર્યા હતા, જાણો ઇતિહાસ

divyabhaskar.com | Jan 11, 2017, 08:33 AM IST

  • 1200 વર્ષ પહેલા મા ખોડલનું અવતરણ થયું હતું
રાજકોટ: એક શિવભક્ત નિ:સંતાન દંપતીના હૃદયનો આર્તનાદ એટલો પ્રચંડ હતો કે દેવાધિદેવ મહાદેવને પણ એક બે નહીં આઠ આઠ સંતાન પ્રાપ્તિનું વરદાન આપવું પડયું અને તેમાનું એક સંતાન એટલે આદિશક્તિ મા પાર્વતીના અંશ સ્વરૂપ મા ખોડિયાર. બારસો વર્ષ પૂર્વે મહાસુદ-5 વિક્રમ સંવત 807ના મામડદેવ-દેવળબાઇ નામક ચારણ દંપતીને ત્યાં તેમનું પ્રાગટ્ય થયું હતું.
 
લેઉવા પટેલ સમાજમાં 16 કુળદેવી પૂજાય છે જેમાં 80 ટકાના કુળદેવી ખોડિયાર છે 
 
ગુજરાતમાં 1 કરોડ 40 લાખ લેઉવા પટેલની સંખ્યા છે. લેઉવા પટેલ  સમાજમાં 16 કુળદેવી પૂજાય છે. પરંતુ 80 ટકા લેઉવા પટેલના કુળદેવી ખોડીયાર માતાજી છે. લેઉવા પટેલ સમાજના પરિવારોના કુળદેવીના ગામે ગામ મંદિરો આવેલા છે. 
 
કેવી રીતે થયું મા ખોડલનું અવતરણ 

ગોહિલવાડના પાળિયાદ પાસે રોહિશાળા ગામમાં મામૈયા (મામડદેવ) રહેતા હતા. તેમના પત્નીનું નામ દેવળબાઇ હતું. શિવભક્ત મામડદેવ તે સમયના વલ્લભીપૂરના રાજા શિલાદિત્યના ખાસ સલાહકાર હતા. જો કે રાજા નિ: સંતાન હતા તો મામડદેવની પણ એ જ સ્થિતિ હતી. કોઇ અંધશ્રધ્ધાળુએ અેવું રાજાના મનમાં ઠસાવ્યું કે આખો દિવસ વાંઝિયા (મામડદેવ) સાથે રહો છો તેમનું મોઢું જૂઓ છો એટલે વંશ થતો નથી. રાજાએ ત્વરિત મામડદેવને દેશવટો આપ્યો. બાદમાં મામડદેવે ભોળાનાથની કરેલી ભક્તિ બાદ સાત જોગમાયા આવળ, જોગળ, તોગળ, હોલબાઇ, બીજબાઇ, ખોડલ અને સાંસાઇ તથા પુત્ર મેરખિયાનો જન્મ થયો. એકવાર ખોડિયાર શિવાલયથી દર્શન કરી પરત ફરી રહ્યા હતા ત્યારે પગથી કંકુના પગલાં પડ્યા વાત પ્રસરી લોકો દૂર -દૂરથી તેમના દર્શને આવવા માંડ્યા. 
 
આગળની સ્લાઇડ્સ રાજા શિલાદિત્યને ખબર પડતા માતાજીના દર્શને આવ્યા ત્યારે માતાએ ઉગ્ર સ્વરૂપ ધારણ કર્યું હતું. 
(Latest Gujarati News) સાથે જોડાયેલા અન્ય (Saurashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: khodaldham pranpratishtha mahotsvav: ma khodal born 1200 year ago
(Read News in Gujarati from Divya Bhaskar)

Next Article

Recommended