Home »Saurashtra »Latest News »Junagadh» Visavadar Dadaragir Old Woman Two Blink Two Kidneys And Liver Donated

વિસાવદર: દાદરગીરની વૃદ્ધાનાં બે કિડની, લીવર બે આંખનું દાન

Bhaskar News, Junagadh | Mar 19, 2017, 02:26 AM IST

  • વિસાવદર: દાદરગીરની વૃદ્ધાનાં બે કિડની, લીવર બે આંખનું દાન,  junagadh news in gujarati
(ત્રિમૂર્તિ હોસ્પિટલમાં અમદાવાદની ટીમે સર્જરી કરી અંગો લઇ ગયા)
 
 
જૂનાગઢ: વિસાવદર તાલુકાનાં દાદરગીર ગામે રહેતા નિલમ બેન સુરેશભાઇ દેશાઇ (ઉ.વ.65)નું અકસ્માત થયું હતું. અકસ્માતમાં ઇજા પહોંચતા બ્રેઇન ડેડ થઇ ગયું હતું. સામાન્ય રીતે બ્રેઇન ડેડ થયા પછી વ્યક્તિની જીવવાની આશા નહિંવત રહે છે. તબીબની ભાષામાં તેમને મૃત જ ગણવામાં આવે છે. પરંતુ આવા વ્યક્તિનાં શરીરનાં અંગે જેવાકે બે કિડની લીવર, આંખ વગેરે કાર્યરત હોય છે. તેનું દાન કરી શકાય છે. 
 
જૂનાગઢની ત્રિમૂર્તિ હોસ્પિટલમાં તેમની સર્જરી કરવામાં આવી
 
વિસાવદરનાં નિલમબેન સાથે થયેલી આ ઘટના બાદ તેમના પુત્ર બિમલભાઇ અને પરિવારે દેહદાનનો નિર્ણય કર્યો હતો. આજે શનિવારની મોડી રાત્રે જૂનાગઢની ત્રિમૂર્તિ હોસ્પિટલમાં તેમની સર્જરી કરવામાં આવી હતી. સર્જરી માટે અમદાવાદની આઇ.કે.ડી. આર.એલ. આઇ.ટી.એસ હોસ્પિટલનાં ચીફ સર્જન ડો. પ્રાંજલ મોદી, આસી. સર્જન ડો. સુચિત, ડો. મિતુલ, ડો. રંજક, ડો. મિતાલી સહિતની ટીમ જૂનાગઢ આવી પહોંચી હતી. અને વૃદ્ધાના બે કિડની, લીવર અને બે આંખ સર્જરી કરી લઇ ગયા હતા. આ તકે ત્રિમૂર્તિ હોસ્પિટલનાં ડી.પી. ચિખલીયા, ડો. અમિત ભુવા હાજર રહ્યા હતા. 
 
માતાના આત્માને શાંતિ મળશે
 
બિમલભાઇએ જણાવ્યું હતું કે, આજે મારા માતાનાં બ્રેઇન ડેડ બાદ બે કિડની, લીવર અને બે આંખનું દાન કર્યું છે. જેનાથી પાંચ જીવને આ અંગો મળી રહેશે. અને મારી માતાનાં આત્માને શાંતિ મળશે.
 
અન્ય વ્યક્તિમાં અંગોનું પ્રત્યારોપણ થશે
 
નિલમબેનનાં અંગો અમદાવાદની ટીમ લઇ જશે. અને જરૂરીયાત વાળા દર્દીમાં અંગોનું પ્રત્યારોપણ કરશે. સવારે 4 વાગ્યા સુધી સર્જરી ચાલશે તેમ તબીબોએ જણાવ્યું હતું.
(Latest Gujarati News) સાથે જોડાયેલા અન્ય (Saurashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Visavadar dadaragir old woman two blink two kidneys and liver donated
(Read News in Gujarati from Divya Bhaskar)

Next Article

Recommended