Home »Saurashtra »Latest News »Junagadh» Junagadh Sakkarbaug In South American Parrot Mekou Her Price Is 40 To 50 Lakh

જૂનાગઢનાં ઝૂમાં લાખોની કિંમતના પોપટે જમાવ્યું આકર્ષણ, માત્ર દક્ષિણ અમેરિકામાં મળે છે જોવા

Kishan Parmar / Mansi Dave, Junagadh | Mar 21, 2017, 01:00 AM IST

જૂનાગઢ:જૂનાગઢનાં સક્કરબાગ ઝૂમાં લાખોની કિંમતનો બ્લુ યેલો મકાઉ પ્રજાતિનો પોપટ રાખવામાં આવ્યો છે. દુર્લભ ગણાતો આ પોપટ દક્ષિણ અમેરિકાના વર્ષા જંગલોમાં જોવા મળે છે. ઇટાવા જંગલમાં મોકલેલા સિંહના બદલામાં અલગ અલગ પ્રજાતિના પોપટ કાનપુર અને લખનઉ ઝૂમાંથી આવ્યા હતા. જેમાં આ બ્લુ યેલો મેકોઉનો પણ સમાવેશ થાય છે.
 
પોપટની કિંમત: 2 કે 5 લાખ નહીં. પૂરા 40-50 લાખ 
 
સામાન્ય રીતે પાલતુ પશુઓની કિંમત લાખોમાં હોવાની અનેક વાતો સાંભળી હશે. પરંતુ ક્યારેય એવું નહીં સાંભળ્યું હોય કે, પોપટની કિંમત લાખોમાં હોય. એ પણ 2 કે 5 લાખ નહીં. પૂરા 40-50 લાખ તો ? વાત સાંભળી આંખોના ભવાં ચઢી જાય. પણ વિશ્વાસમાં ન આવે એટલો કિંમતી પોપટ સક્કરબાગ ઝૂમાં છે. બ્લુ યેલો મેકોઉ તરીકે ઓળખાતા આ પોપટની કિંમત લાખોમાં છે. આ પ્રજાતિનો તે કદમાં સૌથી મોટો પોપટ છે.
 
આ પોપટ ઇટાવા પ્રાણી સંગ્રહાલયને અપાયેલા સિંહના બદલામાં લખનઉ ઝૂમાંથી મળ્યા છે
 
સક્કરબાગ ઝૂમાં આ પોપટ ઇટાવા પ્રાણી સંગ્રહાલયને અપાયેલા સિંહના બદલામાં લખનઉ ઝૂમાંથી મળ્યા છે. દક્ષિણ અમેરિકાના વેનઝુએલા, યેટ, બ્રાઝિલ, બોલીવીયા, આર્જેન્ટીના, વગેરે દેશોનાં વર્ષા જંગલોમાં આ બ્લુ યેલો મેકોઉનું મુળ સ્થાન છે. આ પોપટનું કદ દુનિયાનાં અન્ય પોપટ કરતાં મોટું હોય છે. અને તેનો ખોરાક તમામ ફળો, તેનાં બી, વગેરે છે. બ્લુ યેલો મેકોઉને વિદેશોમાં પાળવાનો ક્રેઝ છે. જોકે, તેની કિંમત વધુ હોવાથી સામાન્ય લોકો તેને પાળી પણ નથી શકતા.
 
બ્લુ યેલો મેકોઉની વિશેષતા
 
વૈજ્ઞાનિક નામ : અરા અરારોના, લીનાયસ
આયુષ્ય : 30 થી 35 વર્ષ
મહતમ આયુષ્ય : 50 વર્ષ
ઓળખ : શરીરનો બ્લુ અને પીળો રંગ, ચાંચનો રંગ સફેદ અને કાળો
કદ : 76 થી 86 સેમી
વજન : 900 ગ્રામ થી 1.5 કિલોગ્રામ
વર્તણૂંક : રંગની માત્રા પક્ષીની શારિરીક સ્વસ્થતા અને પ્રજનન માટેની પાત્રતા
 
આ પક્ષીની કિંમત લાખોમાં હોય છે
 
આ પક્ષીઓ દુર્લભ પ્રજાતિનાં અને અમૂલ્ય કિંમતના હોય છે જેની કિંમત લાખોમાં હોય છે. - એ. પી. સિંહ, મુખ્ય વન સંરક્ષક, જૂનાગઢ
(Latest Gujarati News) સાથે જોડાયેલા અન્ય (Saurashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Junagadh sakkarbaug in South American parrot mekou her Price Is 40 to 50 Lakh
(Read News in Gujarati from Divya Bhaskar)
DBPL T20

Next Article

Recommended