Home »Saurashtra »Latest News »Jamnagar» ધ્રોલની રૂ. 5.24 લાખની ચોરીનો ભેદ ઉકેલાયો, મુદ્દામાલ જપ્ત

ધ્રોલની રૂ. 5.24 લાખની ચોરીનો ભેદ ઉકેલાયો, મુદ્દામાલ જપ્ત

DivyaBhaskar News Network | Mar 21, 2017, 04:00 AM IST

ધ્રોલમાંલંઘા શેરીમાં લૌકીકે ગયેલા એક મહિલાનાં મકાનમાંથી ધોળા દિવસે પલંગની નીચે રાખેલી પેટીમાંથી કોઇ 5,24,000ની મતા ચોરી થયાની ધ્રોલ પોલીસમાં ફરિયાદ નોંધાઇ હતી. ધ્રોલ પોલીસે ચોરીનો ભેદ ગણતરીનાં કલાકોમાં ઉકેલી નાખી જામનગરમાં શાકભાજીનો વેપાર કરતાં શખ્સને ઝડપી પાડી વધુ તપાસ હાથ ધરી છે.

ધ્રોલના લંઘા શેરીમાં ખોજા જમાત ખાનાની બાજુમાં એકલા રહેતા બાનુબેન હુશેનભાઇ કાજી ઘરકામ કરી પેટિયું રળી ગુજરાન ચલાવતા હોય, 17મીના સાંજના પાંચેક વાગ્યાનાં સુમારે તેનાં ભાડૂઆતનાં પિતા ગુજરી ગયા હોય, તેનાં બેસણામાં તેમનાં પાડોશી સાથે બાનુબેનને જવાનું હોય તેમનાં પાડોશીની દીકરીને મકાનને તાળું મારી ચાવી સંડાસની બારીમાં મૂકી દેવાનું જણાવી તેઓ પાડોશી સાથે બેસણામાં ચાલ્યા ગયા હતાં. ત્યારબાદ તેઓ જ્યારે પરત આવ્યા ત્યારે પલંગ નીચે જોતાં લોખંડની પેટી જોવા મળેલી નહીં અને કુલ 5,24,000ની મતા કોઇ અજાણ્યા ઇસમ ચોરી ગયાની ધ્રોલ પોલીસમાં ફરિયાદ નોંધાવી હતી.

ધ્રોલ પોલીસે ગુનો નોંધી જિલ્લા પોલીસ વડા પ્રદીપ સેજુળની સૂચનાથી ડી.વાય.એસ.પી. એચ.પી. દોશીનાં માર્ગદર્શન હેઠળ ધ્રોલ પી.એસ.આઇ. એમ.ડી.ચૌધરી તથા સ્ટાફનાં કુલદીપસિંહ, કલ્પેશભાઇ, જયપાલસિંહ રાણા, સંજયભાઇ સોલંકી, વિક્રમભાઇ આહીર વિવિધ દિશામાં તપાસ હાથ ધરતા સ્ટાફનાં કુલદીપસિંહ, કલ્પેશભાઇ અને જયદીપસિંહને જી.જે-10બીકે-0834 નંબરનાં મોટરસાઇકલ વાળો ઇસમ ચોરીને અંજામ આપી ગયો હોવાની બાતમી મળી હતી.

તે દરમિયાન પોલીસે મોટર સાઇકલની તપાસ કરતાં મોટરસાઇકલ જામનગરનાં દરબારગઢ વિસ્તારમાં રહેતા શબ્બીર હુશેનભાઇ લાખાનું હોય તેની પૂછપરછ હાથ ધરી હતી. શબ્બીરભાઇએ મોટરસાઇકલ તેનાં કૌટુંબિક ભાઇ સફીક અજીજભાઇ લાખા (ઉ.વ. 25)ને આપ્યાનું ખુલતા પોલીસે બર્ધનચોકમાં રહેતા અને શાકભાજીનો વેપાર કરતા સફીક લાખાને ઉઠાવી લઇ પૂછપરછ કરતા તેને ચોરીની કબૂલાત આપી હતી.

પોલીસે સફીકની ધરપકડ કરી સોનાનાં દાગીના ૧૭૫.૧૫ ગ્રામ કિંમત રુ. ૪,૧૪,૮૦૦/- તથા ચાંદી નાં દાગીના ૩૮૧ ગ્રામ કિંમત રુ. ૮,૫૦૦/- તેમજ રોકડ રુ. ૧,૮૦,૦૦૦/- મળી કુલ ૬,૦૩,૩૦૦/- નો મુદામાલ કબજે કરી તેની ધરપકડ કરી હતી. વધુ કેટલીક ચોરીના ભેદ ઉકેલાવાની આશાએ પોલીસે આરોપીને રિમાન્ડ પર લેવાની તજવીજ શરૂ કરી હતી.

વધુ ચોરીના ભેદ ઉકેલાવાની આશાએ રિમાન્ડની તજવીજ

(Latest Gujarati News) સાથે જોડાયેલા અન્ય (Saurashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: ધ્રોલની રૂ. 5.24 લાખની ચોરીનો ભેદ ઉકેલાયો, મુદ્દામાલ જપ્ત
(Read News in Gujarati from Divya Bhaskar)

Next Article

Recommended