Home »Saurashtra »Latest News »Bhavnagar City» Sports Tourism Through Business Opportunity In Bhavnagar

ભાવનગરમાં સ્પોર્ટ્સના માધ્યમથી ટુરિઝમ વ્યવસાયની તક

Bhaskar News, Bhavnagar | Mar 20, 2017, 02:56 AM IST

  • ભાવનગરમાં સ્પોર્ટ્સના માધ્યમથી ટુરિઝમ વ્યવસાયની તક,  bhavnagar city news in gujarati
ભાવનગર:  ભાવનગર ખાતે આગામી દિવસોમાં રમાનાર ગુજરાત પોલો કપમાં સમગ્ર દેશમાંથી ખ્યાતનામ ખેલાડીઓ, રાજવી પરિવારના લોકો, બોલિવૂડની ખ્યાતનામ હસ્તીઓ આવનાર છે. સ્પોર્ટ્સની સાથે ભાવનગરમાં ટુરિઝમ વ્યવસાયની પણ અફાટ શક્યતાઓ ઢબૂરાયેલી પડી છે. હકારાત્મક દિશામાં તમામ સ્તરેથી આ અંગેની વિચારણા કરવામાં આવે તો તમામ બાબતો શક્ય છે.

બાસ્કેટબોલની રમતમાં એક દસકા પૂર્વે નેશનલ ફેડરેશન કપનું આયોજન કરવામાં આવ્યુ હતુ, અને સમગ્ર દેશમાંથી અહીંયા રમવા માટે આવેલા તમામ ખેલાડીઓ, નેશનલ સિલેક્ટરોએ આજુબાજુના જોવાલાયક સ્થળો, દરિયા કિનારાના પ્રવાસન સ્થળોની મુલાકાત લઇ અને સરાહના કરી હતી. ભાવનગર જિલ્લામાં અનેક સ્થળો પ્રવાસનને લાયક છે.

ભાવનગરમાં છેલ્લા પાંચ વર્ષથી પોલોની રમતને સારો પ્રતિસાદ સાંપડી રહ્યો છે. ભાવનગરના નામથી દેશના અગ્રણી સ્પોર્ટ્સ પર્સન પરિચીત થવા લાગ્યા છે. પોલોના આકર્ષણને ટુરિઝમ સાથે સાંકળવામાં આવે તો જિલ્લામાં મહુવા, તળાજા, પાલિતાણા, અલંગ સહિતના સ્થળોએ પ્રવાસીઓની સંખ્યામાં પણ વધારો થઇ શકે તેવી પૂરેપૂરી શક્યતાઓ છે.

ભાવનગર જિલ્લાનો 152 કિ.મી. લાંબો દરિયા કિનારો પ્રવાસન માટે આદર્શ માનવામાં આવે છે. મહુવાના ભવાની બીચ, ઝાંઝમેર,  કુડા, કોળીયાક, હાથબ, ગોપનાથ ફરવા માટે શ્રેષ્ઠ સ્થળો છે. આ તમામ સ્થળોએ હુપણ થોડી સવલતોનો સરવાળો કરવાથી, થોડો સહકાર તમામ રાજકીય પક્ષો તરફથી મળવાથી પ્રવાસન સ્થળનો વિકાસ કરી શકાય.

સ્પોર્ટસથી ટુરિઝમને આકર્ષી શકાય
^ભાવનગરમાં અનેક સ્પોર્ટ્સના ખેલાડીઓ રાષ્ટ્રીય સ્તરે પ્રચલિત છે. અહીંયા ઇનડોર સ્ટેડિયમ પણ બની રહ્યુ છે. પોલો સહિતની રમતોના આયોજનથી સમગ્ર ભારતના ખેલાડીઓ, કોચીઝ અને મેનેજમેન્ટને અહીંયા આકર્ષી શકાય તેમ છે.માત્ર થોડી સવલતોનો ઉમેરો કરવાની જરૂર છે. 
> ચિરાગ પારેખ, પ્રમોટર, ચેમ્પિયન્સ પોલો લીગ
(Latest Gujarati News) સાથે જોડાયેલા અન્ય (Saurashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Sports tourism through business opportunity in Bhavnagar
(Read News in Gujarati from Divya Bhaskar)

Next Article

Recommended