Home »Saurashtra »Latest News »Bhavnagar City» Chakkajam On Talaja-Mahuva Road, New Road Demand

રોડ પ્રશ્ને તળાજા-મહુવા હાઇવે પર કરાયો ચક્કાજામ, નવો માર્ગ બનાવવાની માંગ

Bhaskar News, Bhavnagar | Mar 21, 2017, 02:14 AM IST

તળાજા:  તળાજા પંથકના હાજીપર ગામથી ઠળીયા સુધીનો 11 કિમી જેટલો માર્ગ અનેક ગામોને જોડતો હોય ખુબ ઉપયોગી છે. આ રોડ છેલ્લા ઘણા સમયથી ખખડધજ બની ગયો હોવા છતાં તંત્ર  દ્વારા નવો રોડ બનાવવા કોઇ કાર્યવાહી નહિ થતા આખરે સાતથી વધુ ગામનો લોકોએ રોષે ભરાઇ તળાજા મહુવા હાઇવે પર ઉતરી આવી વાહન વ્યવહાર ખોરવી નાખ્યો હતો.
 
બનાવને પગલે પોલીસે સ્થળ પર દોડી જઇ સમજાવટથી મામલો થાળે પાડયો હતો. તળાજા-મહુવા હાઇવે પર તળાજાથી સાત કિ.મી. દુર હાજીપરના પાટીયા પાસે આજે સવારના 10 વાગ્યા આસપાસ હાજીપર ઠળીયાના ટુંકા અગત્યના માર્ગ મારામત પ્રશ્ને રસ્તા પર બેસી જઇ ધરણા કરી દેતા હાઇવે પરનો બન્ને તરફનો હાઇવે થોડો સમય અવરોધાતા બન્ને તરફ વાહનોની કતાર લાગી ગઇ હતી. 

હાજીપરથી ઠળીયાનો રસ્તો બિસ્માર હોવાથી આ વિસ્તારમાં આવતા ગામોના લોકોએ અવાર નવાર રજુઆતો કરવા છતાં તંત્ર દ્વારા મરામત નહિ થતા આજરોજ પાંચથી સાત ગામોના લોકો રસ્તા રોકોનો રાહ અપનાવેલ. 
(Latest Gujarati News) સાથે જોડાયેલા અન્ય (Saurashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Chakkajam on Talaja-Mahuva Road, New road demand
(Read News in Gujarati from Divya Bhaskar)
DBPL T20

Next Article

Recommended