Home »Saurashtra »Latest News »Amreli» Lilia In Underground Drainage Issue On Mamaltdar Office Besieged By Citizen

લીલીયામાં ભુગર્ભ ગટરના પ્રશ્ને મામલતદાર કચેરીને કરાયો ઘેરાવ

Bhaskar News, Liliya | Mar 19, 2017, 01:21 AM IST

લીલીયા:લીલીયામા ભુગર્ભ ગટરના નબળા કામથી રસ્તા પર ઉભરાતા ગંદા પાણીથી અને ઉબડખાબડ રસ્તાના પ્રશ્ને ચેમ્બરના એલાનને પગલે આજે સતત બીજા દિવસે પણ વેપારીઓએ સજ્જડ બંધ પાળ્યો હતો. આજે ગામ લોકોએ મામલતદાર કચેરીને ઘેરાબંધી અને તાળાબંધી પણ કરી હતી. આવતીકાલથી આ આંદોલન વધુ ઉગ્ર બનવા જઇ રહ્યું છે. 
 
ભુગર્ભ ગટરના પ્રશ્ને કદાચ પ્રથમથી જ રજુઆત થઇ તેને તંત્રએ કાને ધરી નથી 
 
લીલીયાના નગરજનોના આક્રોશને સરકારી તંત્ર કદાચ હળવાશથી લઇ રહ્યું છે. ભુગર્ભ ગટરના પ્રશ્ને કદાચ પ્રથમથી જ રજુઆત થઇ તેને તંત્રએ કાને ધરી નથી તેના કારણે આજે આ ઉગ્ર આંદોલન આવી પડયું છે. શહેરમા ભુગર્ભ ગટરનુ કામ નબળુ થયુ હોય ઠેરઠેર ગટરના ગંદા પાણી ઉભરાઇને રસ્તા પર આવી જાય છે. જેના કારણે બજારમા ચાલવુ પણ મુશ્કેલ થઇ પડયુ છે. વળી ભુગર્ભ ગટરના કામના કારણે શહેરના લગભગ તમામ રસ્તાઓ ભંગાર હાલતમા છે. લીલીયામા ભુગર્ભ ગટરનુ કામ પતી ગયુ છે છતા નવા રસ્તા બનાવવામા આવી રહ્યાં નથી. જુના રસ્તાનુ જાણે અસ્તિત્વ નથી.
 
સતત બીજા દિવસે પણ બંધ પળાયો હતો 
 
ચેમ્બરના એલાનને પગલે ગઇકાલે બંધ પળાયા બાદ આજે સતત બીજા દિવસે પણ બંધ પળાયો હતો અને બાદમા ગામ લોકોએ એકઠા થઇ મામલતદાર કચેરીનો ઘેરાવ કર્યો હતો તથા તાળાબંધીનો પ્રયાસ કર્યો હતો. સ્થાનિક મામલતદાર જેસડીયાએ ઉચ્ચકક્ષાએ રજુઆત કરવાનુ જણાવી હું આમા કશુ કરી નહી શકુ તેવુ ગાણુ ગાયુ હતુ. વેપારી અગ્રણી રસીકભાઇ વંડ્રા, ધીરૂભાઇ જોબનપુત્રા, જયેશભાઇ જોબનપુત્રા, કાંતીભાઇ ધામત, બાબુભાઇ ધામત, રાજેશભાઇ ધામત, યોગેશભાઇ દવે સહિત વિગેરે વેપારીઓ લડતમા જોડાયા છે અને આવતીકાલથી લડત વધુ ઉગ્ર બને તેવા એંધાણ છે.
 
સરકાર વિરૂધ્ધ સુત્રોચ્ચાર 
 
ગત ગ્રામ પંચાયતની ચુંટણીમા કૃષિમંત્રી વી.વી.વઘાસીયા પ્રેરિત પેનલનો પરાજય થયો હતો. લોકોએ હવે ગામના વિકાસ કામો ટલ્લે ચડાવાતા હોવાનો આક્ષેપ કરી રાજય સરકાર વિરૂધ્ધ સુત્રોચ્ચાર પણ કર્યા હતા.
 
આ અંગેની વધુ તસવીરો જોવા આગળની સ્લાઇડ પર ક્લિક કરો...
 
(Latest Gujarati News) સાથે જોડાયેલા અન્ય (Saurashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Lilia in Underground drainage issue on Mamaltdar office besieged by Citizen
(Read News in Gujarati from Divya Bhaskar)
DBPL T20

Next Article

Recommended