Home »National News »Latest News »National» Threee Ministers Remain Absent During Question Hours In RS

RSમાં પ્રશ્નકાળમાં 3 મંત્રી ગાયબ; આ મેક્સિમમ મિનિસ્ટર્સ, મિનિમમ ગવર્નન્સ: વિપક્ષ

Agency | Mar 20, 2017, 18:05 PM IST

  • આ સ્થિતિ અંગે વિપક્ષે કહ્યું, આ 'મેક્સિમમ મિનિસ્ટર્સ, મિનિમમ ગવર્નન્સ છે'
નવી દિલ્હીઃરાજ્યસભામાં સોમવારે પ્રશ્નકાળ દરમિયાન 3 કેન્દ્રીય મંત્રીઓ ગાયબ રહ્યા હતા. વિપક્ષે ત્રણેય મંત્રીઓને સવાલ પૂછ્યા હતાં, પરંતુ ત્રણેય ગૃહમાં હાજર ન હોવાથી ચેરમેન હામિદ અંસારી ખૂબ નારાજ દેખાયા હતા. આ ઘટના પર વિપક્ષે શાસક પક્ષ બીજેપીને ટોણો માર્યો હતો કે, આ 'મેક્સિમમ મિનિસ્ટર્સ, મિનિમમ ગવર્નન્સ છે.'
 
- પ્રશ્નકાળ દરમિયાન શિપિંગ મિનિસ્ટ્રીને યમુના વોટર ટેક્સી પ્રોજેક્ટના લોન્ચિંગ અંગે પ્રશ્ન પૂછવામાં આવ્યો હતો. પરંતુ સવાલ પૂછનાર સાંસદ કે જવાબ આપનાર મિનિસ્ટર બંને ગૃહમાં હાજર ન હતા. આ અંગે અંસારીએ કહ્યું કે, આ એક અસાધારણ સ્થિતિ છે.

- અંસારીએ એન્વાયરનમેન્ટ મિનિસ્ટ્રી સાથે જોડાયેલો બીજો પ્રશ્ન પૂછ્યો ત્યારે તેનો જવાબ આપવા માટે કેન્દ્રીય મંત્રી હાજર ન હતા. કોંગ્રેસ સાંસદ જયરામ રમેશે કહ્યું કે એક પણ કેબિનેટ મિનિસ્ટર હાઉસમાં હાજર નથી.
- આ વખતે હાઉસમાં ફક્ત મિનિસ્ટર્સ ઓફ સ્ટેટ્સ નિર્મલા સિતારમણ, રામકૃપાલ યાદવ અને કેન્દ્રીય મંત્રી સંજીવ બાલિયાન હાજર હતા. ત્યાર બાદ અંસારીએ પાવર મિનિસ્ટ્રી સાથે જોડાયેલી સવાલ પૂછ્યો. જોકે, આ વખતે પણ જવાબ આપવા કોઈ હાજર ન હતું.
 
આ વિશે હામિદ અંસારીએ શું કહ્યું?
 
રાજ્યસભામાં હામિદ અંસારી આવી સ્થિતિ પર ખૂબ જ નારાજ દેખાયા હતા. તેમણે કહ્યું, આ કોઈ ખુશ થવા જેવી સ્થિતિ નથી. આના પર વિપક્ષના એક સાંસદે કહ્યું કે, આ મેક્સિમમ મિનિસ્ટર્સ, મિનિમમ ગવર્નન્સનું એક ઉદાહરણ છે. ત્યાર બાદ રામકૃપાલ યાદવે આગળના પ્રશ્નનો જવાબ ટેબલ પર રાખી દીધો હતો, તેઓ પુરક સવાલોના જવાબ આપવાની તૈયારી કરી રહ્યા હતા ત્યારે જ પ્રશ્નકાળ સમાપ્ત થઈ ગયો હતો.
 
લોકસભામાં પ્રથમ સવાલ યોગી આદિત્યનાથ અંગે
 
- આ એક સંયોગ છે કે લોકસભામાં સોમવારે પ્રથમ સવાલ બીજેપીના ગોરખપુરથી સાંસદ યોગી આદિત્યનાથના નામે હતો. જેઓ હવે યુપીના સીએમ બન્યા છે.
- પ્રશ્નકાળ શરૂ થતાની સાથે સ્પીકર સુમિત્રા મહાજને પ્રથમ સવાલ માટે યોગી આદિત્યનાથનું નામ લીધું હતું, પરંતુ તેઓ સંસદમાં હાજર ન હતા.
(Latest Gujarati News) સાથે જોડાયેલા અન્ય (National Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Threee Ministers remain absent during question hours in RS
(Read News in Gujarati from Divya Bhaskar)
DBPL T20

Next Article

Recommended