Home »National News »Latest News »National» BJP To Prove Majority In Manipur Floor Test Today

મણિપુરના CM બીરેને જીત્યો વિશ્વાસનો મત, 4 પાર્ટીએ આપ્યો સપોર્ટ

divyabhaskar.com | Mar 20, 2017, 12:58 PM IST

  • 56 વર્ષીય બીરેન સિંહ નેશનલ લેવલના ફુટબોલર રહી ચૂક્યા છે. બાદમાં તેઓએ જર્નાલિઝ્મમાં પણ પોતાની કારકિર્દી બનાવી હતી.
ઇમ્ફાલ. મણિપુરના મુખ્યમંત્રી એન. બીરેન સિંહ સોમવારે ફ્લોર ટેસ્ટમાં પોતાનો બહુમત સાબિત કરશે. મણિપુરમાં પહેલીવાર બીજેપીની સરકાર બની છે. 4 પાર્ટીઓએ બીજેપીને સમર્થન આપ્યું. વિધાનસભામાં ફ્લોર ટેસ્ટમાં એન બીરેન સિંહને કુલ 60માંથી 32 ધારાસભ્યોએ સપોર્ટ જાહેર કર્યો. બીજેપીએ મણિપુર વિધાનસભા ચૂંટણીમાં 21 સીટ જીતી છે. એનપીએફ અને નગા પીપલ્સ પાર્ટી (એનપીપી)ના ચાર-ચાર ધારાસભ્યોએ તેમને સપોર્ટ કર્યો છે.
 
ગોવામાં બીજા નંબરે રહીને પણ બનાવી સરકાર
 
- 60 સભ્યોવાળી મણિપુર વિધાનસભામાં બહુમત માટે 31 ધારાસભ્યોની જરૂર હતી.
- હાલમાં જ થયેલી વિધાનસભા ચૂંટણીમાં કોંગ્રેસને 28 અને બીજેપીને 21 સીટ મળી.
- બીજા નંબરે રહેવા છતાંય બીજેપીએ સરકાર બનાવવા માટે જરૂરી 31 ધારાસભ્ય ભેગા કરી લીધા.
- મણિપુરમાં બીજેપીએ પહેલીવાર તમામ 60 સીટ પર પોતાના ઉમેદવાર ઉતાર્યા હતા.
 
બીજેપીએ કેવી રીતે મેળવ્યો જરૂરી આંકડો?
 
- બીજેપીએ મણિપુર વિધાનસભા ચૂંટણીમાં 21 સીટ જીતી છે. એનપીએફ અને નગા પીપુલ્સ પાર્ટી (એનપીપી)ના ચાર-ચાર ધારાસભ્યોએ તેને સપોર્ટ આપ્યો છે.
- આ ઉપરાંત, તૃણમૂલ કોંગ્રેસ અને લોજપાના 1-1 ધારાસભ્ય અને 1 અપક્ષ ધારાસભ્ય પણ બીજેપીની સાથે છે.
- આ પ્રકારે, તેમની પાસે 21+4+4+1+1+1= 32 ધારાસભ્ય થઈ ગયા છે.  
 
ફુટબોલરથી રાજકારણના મેદાનમાં આવ્યા બીરેન સિંહ
 
- 56 વર્ષીય બીરેન સિંહ નેશનલ લેવલના ફુટબોલર રહી ચૂક્યા છે. બાદમાં તેઓએ જર્નાલિઝ્મમાં પણ પોતાની કારકિર્દી બનાવી.
- 2002માં તેઓએ ડેમોક્રેટિક પીપલ્સ પાર્ટી સાથે જોડાઈને રાજકારણની પોતાની યાત્રા શરૂ કરી.
- આ પહેલા તેઓ કોંગ્રેસ સરકારમાં પણ મંત્રી રહ્યા છે. ગયા વર્ષે ઓક્ટોબરમાં તેઓ કોંગ્રેસ છોડીને બીજેપીમાં સામેલ થયા હતા.
(Latest Gujarati News) સાથે જોડાયેલા અન્ય (National Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: BJP to Prove Majority in Manipur Floor Test Today
(Read News in Gujarati from Divya Bhaskar)
DBPL T20

Next Article

Recommended