Home »National News »Latest News »National» Litchi Is The Cause Of Mysterious Disease In Muzaffarpur Children

મુઝફ્ફરપુરના બાળકોને થતી રહસ્યમય બીમારીના મૂળમાં રહેલું છે ‘લિચી ફળ’

divyabhaskar.com | Feb 02, 2017, 14:13 PM IST

  • આ બાળકોના પેશાબના નમૂનાઓ દર્શાવે છે કે તેમાંથી બે તૃતીયાંશ બીમાર બાળકો લિચીના ઠળિયામાં રહેલા ઝેરના સંપર્કમાં આવ્યાં છે.
મુઝફ્ફરપુર: 1995 ની સાલથી દર વર્ષે બિહારના મુઝફ્ફરપુરમાં મોટી સંખ્યામાં બાળકોમાં એક રહસ્યમય બીમારી ઘર કરી ગઇ છે. સંખ્યાબંધ સંશોધકો અને નિષ્ણાતોએ આ બીમારીનું મૂળ શોધવા માટે ઊંડાણપૂર્વકની તપાસ હાથ ધરી છે, પણ તેમને અત્યાર સુધી કોઇ કારણ મળ્યું ન હતું. હવે તેમના અભ્યાસના તારણોમાં બહાર આવ્યું છે કે બાળકોને થતી આ બીમારીના મૂળમાં રહેલું છે લિચીનું ફળ.
 
2014 માં હજારો બાળકોને દાખલ કરવામાં આવ્યાં હતાં
 
- આ રોગમાં મોટી સંખ્યામાં બાળકોને તાવ આવે છે, ત્યારબાદ તેમને ખેંચના હુમલાઓ આવે છે અને છેલ્લે તેઓ સભાન અને બેભાન અવસ્થા વચ્ચે ઝૂલ્યા કરે છે.
- 2014 ના વર્ષમાં હજારો બાળકોને આ પ્રકારની બીમારીના લક્ષણોના કારણે હોસ્પિટલમાં દાખલ કરવામાં આવ્યા હતા.
- સ્થાનિક લોકો આ બીમારીને ‘ચમકી કી બીમારી’ કહે છે.
- રિપોર્ટ્સ પ્રમાણે દાખલ કરવામાં આવેલા 390 બાળકોમાંથી 122 બાળકો મૃત્યુ પામ્યા હતા.
 
 
બીમારીનું મૂળ કારણ લિચીનું ફળ છે
 
- ધ લાન્સેન્ટ ગ્લોબલ હેલ્થ મેડિકલ જર્નલના નવા રિપોર્ટમાં આ બીમારીના સોર્સને શોધી કાઢવામાં આવ્યો હોવાનો દાવો કરવામાં આવ્યો છે.
- નવા રિપોર્ટ પ્રમાણે આ બીમારીનું મૂળ કારણ ‘લિચી’ નું ફળ છે.
- આ બીમારીના લક્ષણો ઇન્સેફાલાઇટીસ (મસ્તિષ્કમાં સોજો) ને મળતા આવે છે. આ બીમારી થવા માટે ઘણા પરિબળો જવાબદાર છે, જેમાં ગરમી, ભેજ, કુપોષણ અને જંતુનાશકો (પેસ્ટિસાઇડ્સ) નો સમાવેશ થાય છે.
 
બીમાર બાળકોમાંથી મોટાભાગનાએ તાજેતરમાં ફળો ખાધાં હતા
 
- યુએસ સેન્ટર ફોર ડિસીઝ કન્ટ્રોલ એન્ડ પ્રિવેન્શન અને ભારતના નેશનલ સેન્ટર ફોર ડિસીઝ કન્ટ્રોલના સંશોધકોએ જે બાળકોને આ પ્રકારની રહસ્યમય બીમારી થઇ હતી અને જે બાળકોને નહોતી થઇ, તેમના પરીક્ષણના પરિણામોને સરખાવ્યા.
- અભ્યાસ પ્રમાણે, બીમાર બાળકોમાંથી મોટાભાગનાઓએ તાજેતરમાં ફળો ખાધા હતાં અને તેઓએ અન્યોની સરખામણીએ છેલ્લા 24 કલાકમાં શક્યતઃ ફળોના બગીચાની છ ગણી વધુ વાર મુલાકાત લીધી હતી.
 
બીમાર બાળકોમાં લિચીના ઠળિયામાં રહેલા ઝેરના સંપર્કમાં આવ્યા હતા
 
- મુઝફ્ફરપુર ભારતમાં લિચીની ખેતી કરતો સૌથી મોટો પ્રદેશ છે.
- અભ્યાસના પરિણામો દર્શાવે છે કે, જે બાળકો બીમાર પડ્યા હતા તેઓએ બે વખત રાતનું ભોજન ન લીધું હોવાની શક્યતાઓ છે.
- સંશોધકોના મત પ્રમાણે, રાતનું ભોજન છોડવાને કારણે તેઓ ‘નાઇટ ટાઇમ હાઇપોગ્લિકેમિયા’ નો ભોગ બન્યા.
- જોકે આ બાળકોના પેશાબના નમૂનાઓ દર્શાવે છે કે તેમાંથી બે તૃતીયાંશ બીમાર બાળકો લિચીના ઠળિયામાં રહેલા ઝેરના સંપર્કમાં આવ્યાં છે. આ ઝેર કાચા ફળોમાં બહુ ઊંચી માત્રમાં રહેલું હોય છે.
- અભ્યાસમાં જણાવ્યું છે કે, આ ઝેરને પરિણામે ‘ગ્લુકોઝ સિન્થેસીસ’ ગંભીર રીતે ઘટી જાય છે. જેના કારણે બ્લડ સુગર ખતરનાક રીતે ઘટી જાય છે અને બાળકોને મગજમાં બળતરા થવા માંડે છે.
- આ બધા કારણોસર, કેન્દ્રએ અસરગ્રસ્ત વિસ્તારોમાં બાળકોને લિચીના ફળનો વપરાશ એકદમ ઓછો કરી દેવાનું સલાહભર્યું નિવેદન જાહેર કર્યું છે. આ સાથે જ બાળકોને આ રોગચાળાના સમયમાં સાંજનું ભોજન ખાવાની પણ સલાહ આપી છે. 
(Latest Gujarati News) સાથે જોડાયેલા અન્ય (National Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Litchi is the cause of mysterious disease in Muzaffarpur children
(Read News in Gujarati from Divya Bhaskar)
DBPL T20

Next Article

Recommended