Home »National News »Desh» CM Yogi Always Meet This Muslim Man First When Goes To Temple

મંદિર આવતાં જ સૌથી પહેલા આ વ્યક્તિને મળે છે યોગી, સાથે બેસીને કરે છે ભોજન

divyabhaskar.com | Mar 20, 2017, 12:18 PM IST

  • મોહમ્મદ યાસીન અન્સારી (જમણે)
ગોરખપુર: મહંતમાંથી સીએમ બનેલા યોગી આદિત્યનાથનો ચહેરો ભલે એન્ટી મુસ્લિમ તરીકે પ્રખ્યાત હોય, પરંતુ, હકીકત ઘણી જુદી છે. તમને જાણીને આશ્ચર્ય થશે કે છેલ્લાં 35 વર્ષોમાં મંદિરમાં જો કોઇ પણ પાયો નાખવામાં આવ્યો હોય તો તે મોહમ્મદ યાસીન અન્સારીની દેખરેખમાં જ નાખવામાં આવ્યો છે. એટલે સુધી કે નિર્માણકાર્યમાં ખર્ચ થનારા લાખો-કરોડો રૂપિયાની ચૂકવણી તેમની પરવાનગી સાથે જ થાય છે.
 
સાથે બેસીને કરે છે ભોજન
 
- યાસીન કહે છે કે નાના મહારાજ એટલે કે મહંત આદિત્યનાથ ક્યાંયથી પણ મંદિરમાં આવે તો સૌથી પહેલા તેમને મળે છે અને નિર્માણકાર્યની જાણકારી મેળવે છે.
- તેઓ રસોડાથી લઇને બેડરૂમ સુધી આવ-જા કરે છે અને સાથે બેસીને ભોજન પણ કરે છે, પરંતુ, તેમને ક્યારેય પણ યોગીમાં એન્ટિ-મુસ્લિમ છબિ જોવા મળી નથી.
- હા, યોગી આદિત્યનાથ એવા લોકોને નફરત કરે છે જેઓ ખાય છે ભારતનું અને ગાણા બીજી જગ્યાના ગાય છે, પછી તે વ્યક્તિ હિન્દુ હોય કે મુસલમાન.
- યોગીને જૂઠ્ઠું બોલવાથી સખત નફરત છે. તેઓ પ્રામાણિક છે અને બીજાઓ પાસેથી પણ તેવી જ અપેક્ષા રાખે છે. તેઓ ગરીબોની મદદ ઉદારતાથી કરે છે.
 
બડે અબ્બા સૌથી પહેલા આવ્યા હતા મંદિર
 
- મોહમ્મદ યાસીન અન્સારીએ જણાવ્યું કે બડે અબ્બા વલી મોહમ્મદ સૌથી મોટા મહંત બ્રહ્મલીન દિગ્વિજયનાથના સમયમાં પીપીગંજ, ગોરખપુરથી મંદિર આવ્યા હતા.
- ભંડારાની જવાબદારી તેમની જ હતી. સાસુ હમીદા બેગમ રાશન ભંડારના કક્ષમાં રહેતી હતી અને ઘઉં-ચોખા વગેરે સાફ કરવાની જવાબદારી નિભાવતી હતી, સસરા સ્વ. જગ્ગન માળી હતા.
 
મે 1977માં મંદિરમાં જોડાયા યાસીન અન્સારી
 
- મોહમ્મદ યાસીન અન્સારી યોગી આદિત્યનાથના ગુરુ બ્રહ્મલીન મહંત અવૈદ્યનાથના સમયમાં મે 1977માં મંદિરમાં જોડાયા. 1977-83 સુધી યાસીમ મંદિરમાં કેશિયર તરીકે રહ્યા.
- 1983થી લઇને આજ સુધી તેઓ મંદિરના સુપરવાઇઝર પદ પર છે.
- મંદિર પરિસરમાં મંદિરનું નિર્માણ હોય કે ભવનનું સૌંદર્યીકરણ કે પછી કોઇ અન્ય ભનવનની જો એક ઇંટ પણ મુકવાની હોય તો તે એમની દેખરેખમાં મુકવામાં આવે છે.
 
લગ્નોમાં કરે છે મદદ
 
- મોહમ્મદ યાસીન અન્સારી પહેલા મંદિરમાં એક જ રૂમમાં રહેતા હતા, પરંતુ, જવાબદારી વધવાની સાથે મકાન નાનું પડવા લાગ્યું.
- ગોરખનાથ મંદિરની પાછળ રસૂલપુર મોહલ્લામાં તેમણે પોતાનું ઘર બનાવડાવી લીધું. અહીંયા તેઓ પત્ની સલીમુન્નીશા, દીકરા અબ્દુલ કરીમ અન્સારી, મોહમ્મદ સલીમ અન્સારી, બે વહુઓ અજરા નિશાત, અર્શી, દીકરીઓ ઝરીના અને ફરઝાના ખાતૂન સાથે રહે છે.
- યાસીન કહે છે કે તેમને ત્યાં યોગીજી લગ્ન અને અન્ય અવસરો પર માત્ર આર્થિક મદદ જ નથી કરતા પરંતુ એક-બે કલાક હાજરી પણ આપે છે.
- હવે તેમને દીકરી ફરઝાનાના લગ્ન કરવા છે. સીએમ થયા તો શું થયું, તેઓ મારી દીકરીના લગ્નમાં જરૂર આવશે.
- તેમણે જણાવ્યું કે ગાયોની દેખરેખ શાન મોહમ્મદ કરે છે. મંદિર અને તેની 3 ડઝનથી વધુ આર્થિક સંસ્થાઓ સાથે જોડાઇને અનેક મુસ્લિમ પરિવારો તેમના ઘરનો ચૂલો સળગાવે છે.
 
આગળની સ્લાઇડ્સામં જુઓ યોગી આદિત્યનાથની તસવીરો... 
(Desh Gujarati News) સાથે જોડાયેલા અન્ય (National Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: CM Yogi always meet this Muslim man first when goes to temple
(Read News in Gujarati from Divya Bhaskar)
DBPL T20

Next Article

Recommended