Home »National News »Latest News »National» 2 People Died In Jammu-Kashmir Due To Snowfall Rain And Storm

જમ્મુ-કાશ્મીર: બરફવર્ષા-વરસાદ-આંધીથી 2 લોકોનું મોત, એવલાંચની વોર્નિંગ

divyabhaskar.com | Feb 06, 2017, 10:12 AM IST

  • આંધી અને બરફવર્ષાને કારણે શ્રીનગરના ડાલ લેકમાં ઘણા શિકારાઓ તૂટી ગયા.
શ્રીનગર: જમ્મુ-કાશ્મીરમાં તાજી બરફવર્ષા-વરસાદ અને આંધીના કારણે એક બાળક સહિત બે લોકો મૃત્યુ પામ્યા છે. ડોડા રામબાણમાં 180 મકાનો ધસી પડવાના સમાચાર છે. લેંડસ્લાઇડના કારણે જમ્મુ-શ્રીનગર નેશનલ હાઇવે સતત ચાર દિવસોથી બંધ છે. હાઇવે પર અનેક ગાડીઓ ફસાયેલી છે. જમ્મુ-કાશ્મીર અને હિમાચલપ્રદેશમાં લેન્ડસ્લાઇડની ચેતવણીઓ જાહેર કરવામાં આવી છે.
 
વીજળી-પાણીનો સપ્લાય બંધ
 
- ન્યુઝ એજન્સીના જણાવ્યા પ્રમાણે, જમ્મુ-કાશ્મીરમાં હવામાનમાં થયેલા ફેરફારને કારણે કેટલીય જગ્યાઓ પર વીજળી-પાણીનો સપ્લાય બંધ થઇ ગયો અને કોમ્યુનિકેશન ઠપ્પ થઇ ગયું છે.
- આંધીના કારણે ડોડા રામબાણમાં 180 મકાનો ધસી પડ્યા છે.
- કિશ્તવાડ જિલ્લાના દેવીગોલે ગામમાં આંધીના કારણે એક મકાન પર ઝાડ પડ્યું, જેના કારણે 11 વર્ષના એક બાળકનું મોત થઇ ગયું. પરિવારના 5 સભ્યો પણ ઘાયલ થયા છે.
- માહોરમાં પણ એક વ્યક્તિના મોતના સમાચાર છે.
- ઘાટીમાં સીઝનની ત્રીજી ભારે બરફવર્ષા થઇ છે. વીતેલા 24 કલાકોમાં ગુલમર્ગમાં 1.5 ફૂટ, અફવરટમાં 2.5 ફૂટ, સોનમર્ગમાં 2 ફૂટ અને મહાગુંસ ટૉપમાં 3 ફૂટ બરફ પડ્યો છે.
- જમ્મુ-શ્રીનગર નેશનલ હાઇવે રાજ્યને દેશના બાકી હિસ્સા સાથે જોડે છે.
- આ હાઇવે સતત ચાર દિવસ સુધી બંધ રહેવાને કારણે કેટલીય જગ્યાઓએ અનેક વાહનો ફસાઇ ગયા છે.
 
ગુલમર્ગમાં -3.2 ડિગ્રી તાપમાન
 
- હવામાન વિભાગના જણાવ્યા અનુસાર, ગુલમર્ગમાં શનિવારથી રવિવારની વચ્ચે 1 ફૂટ બરફ પડ્યો છે.
- ગુલમર્ગમાં રવિવારે ઘાટીનું સૌથી ઓછું તાપમાન -3.4 ડિગ્રી સેલ્સિયસ નોંધવામાં આવ્યું હતું.
- કુપવાડામાં 8 ઇંચ બરફવર્ષા અને 6 સેન્ટિમીટર વરસાદ પડ્યો છે. અહીંયા તાપમાન -0.7 ડિગ્રી નોંધવામાં આવ્યું હતું.
- પહેલગામમાં તાપમાન 0.2 ડિગ્રી નોંધવામાં આવ્યું છે. 4.8 સેન્ટિમીટર વરસાદ સાથે બરફવર્ષા નોંધવામાં આવી છે.
- કાજીગુંડ 8.2 સેમી અને કોકડનાગમાં 4.1 સેમી વરસાદ સાથે બરફવર્ષા નોંધવામાં આવી છે. અહીંયા તાપમાન -3.3 ડિગ્રી નોંધવામાં આવ્યું હતું.
 
એવલાંચની વોર્નિંગ
 
- તાજી બરફવર્ષાને જોતા ચંદીગઢ સ્થિત સ્નો એન્ડ એવલાંચ સ્ટડી એસ્ટાબ્લિશમેન્ટે (SASE) જમ્મુ-કાશ્મીર અને હિમાચલપ્રદેશના કેટલાક વિસ્તારોમાં એવલાંચની વોર્નિંગ જાહેર કરી છે.
- આ વોર્નિંગ સોમવાર સાંજે 5 વાગ્યા સુધીના સમય માટે જાહેર કરવામાં આવી છે.
 
#હિમાચલપ્રદેશ
 
- હિમાચલપ્રદેશના ટ્રાઇબલ અને ઊંચાઇવાળા વિસ્તારોમાં હળવી બરફવર્ષા અને નીચલા પહાડી વિસ્તારોમાં હળવો વરસાદ પડ્યો છે.
- હવામાનમાં થયેલા ફેરફારને કારણે રાજ્યના મોટાભાગના વિસ્તારોમાં ઠંડી હવાઓ શરૂ થઇ ગઇ છે.
 
#દિલ્હી
 
- દિલ્હીમાં રવિવારે હળવો વરસાદ પડ્યો.
- અહીંયા ન્યૂનતમ તાપમાન 15.5 ડિગ્રી અને મહત્તમ તાપમાન 23.3 ડિગ્રી નોંધવામાં આવ્યું.
 
પાકિસ્તાન-અફઘાનિસ્તાનમાં એવલાંચને કારણે 100 થી વધુ લોકોનું મોત
 
- અફઘાનિસ્તાનમાં ભારે બરફવર્ષાથી થયેલા એવલાંચને કારણે 100 થી વધુ લોકોનું મોત થયું છે. આમાંથી 50 લોકો એક જ ગામના છે.
- મરનારા લોકોની સંખ્યા હજુ પણ વધવાની આશંકા દર્શાવવામાં આવી રહી છે.
- પાકિસ્તાનમાં પણ એવલાંચને કારણે 15 લોકો મૃત્યુ પામ્યા છે. 
(Latest Gujarati News) સાથે જોડાયેલા અન્ય (National Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: 2 people died in jammu-kashmir due to snowfall rain and storm
(Read News in Gujarati from Divya Bhaskar)
Cricket Champions League

Next Article

Recommended