Home »Madhya Gujarat »Latest News »Vadodara City» કોંગ્રેસે લોકસભાની ચૂંટણીની તૈયારીઓમાં જોતરાઇ

કોંગ્રેસે લોકસભાની ચૂંટણીની તૈયારીઓમાં જોતરાઇ

mehul chauhan | Feb 09, 2013, 17:48 PM IST

- ભરૂચ બેઠકની સમીક્ષા કરતા નિરીક્ષક
- કોંગ્રેસ લોકભાની ચૂંટણીની તૈયારીઓમાં જોતરાઈ
- આંધ્રપ્રદેશ વિધાન પરિષદના સભ્ય રાજુની આગેવાનો સાથે બેઠક
- ક્યાં ઉમેદવારને ટિકિટ આપી શકાય તે બાબતે મંતવ્યો મેળવ્યાં
 
આવતાં વર્ષે યોજાનારી લોકસભાની ચૂંટણીના સંદર્ભમાં કોંગ્રેસે અત્યારથી તૈયારીઓ આરંભી દીધી છે જેના ભાગરૂપે આજે શનિવારે કેન્દ્રીય નિરીક્ષક અને આંધ્રપ્રદેશ વિધાન પરિષદના સભ્ય જી.જીરાજુએ ભરૂચ બેઠકના સંદર્ભમાં માહિ‌તી એકત્ર કરી હતી. તેમણે કયાં ઉમેદવારને ટિકિટ અપાઇ તો વિજય મળી શકે તે બાબતે આગેવાનોના મંતવ્યો મેળવ્યાં હતાં.
 
વિધાનસભાની ચૂંટણીમાં ભરૂચ તથા નર્મદા જિલ્લામાં કોંગ્રેસનો દેખાવ કંગાળ રહ્યો હતો. વાગરા, જંબુસર અને દેડિયાપાડા બેઠક ગુમાવવાનો કોંગ્રેસને વારો આવ્યો હતો. વિધાનસભાની ચૂંટણીના પરિણામોની આળસ ખંખેરી કોંગ્રેસ આગામી વર્ષે યોજાનારી લોકસભાની ચૂંટણીની તૈયારીઓમાં લાગી છે. 
 
કોંગ્રેસના નવા રાષ્ટ્રીય ઉપાધ્યક્ષ રાહુલ ગાંધીએ સમગ્ર દેશમાં ૪૮ કેન્દ્રીય નિરિક્ષકોની નિયુકિત કરી છે જે તમામ પ૪૨ લોકસભા બેઠકોનો પ્રવાસ ખેડી રજેરજની માહિ‌તી મેળવી રાહુલ ગાંધીને અહેવાલ સુપરત કરશે. ભરૂચ લોકસભા બેઠક માટે નિયુકત થયેલાં નિરીક્ષક જી. રાજુએ આજે શનિવારે શહેરના કોંગ્રેસ કાર્યાલય ખાતે આગેવાનો અને કાર્યકરો સાથે બેઠક યોજી માહિ‌તિ મેળવી હતી.
 
તેમની સાથે પ્રદેશના કોંગી આગેવાન શંભુ પ્રજાપતિ પણ જોડાયાં હતાં. કેન્દ્રીય નિરીક્ષકે કોંગ્રેસને મજબૂત બનાવવા શું પગલાં ભરી શકાય તથા કાર્યકરોની રજૂઆત બાબતે લેખિતમાં ફોર્મ ભરાવ્યાં હોવાનું પણ જાણવા મળી રહ્યું છે.ભરૂચ લોકસભા બેઠકમાં સમાવષ્ટિ તમામ વિસ્તારોનાં આગેવાનો તેમજ કાર્યકરોએ કેન્દ્રીય નિરીક્ષક સમક્ષ સંગઠનને મજબુત બનાવવા માટે કયાં પગલા ભરી શકાઈ તે સંદર્ભમાં લેખિત માહિ‌તી પરી પાડી હતી.
 
ચૂંટણી દરમિયાન પક્ષ વિરોધી પ્રવૃત્તિ કરનારાં આગેવાનો અને કાર્યકરોને પક્ષમાંથી હાંકી કાઢવાની પણ તરફેણ કરવામાં આવી હતી. જી.રાજુ તેમનો અહેવાલ પક્ષના રાષ્ટ્રીય ઉપાધ્યક્ષ રાહુલ ગાંધીને સુપરત કરશે. જેના આધારે અનેક ઉમેદવારોના ભાવીનો ફેંસલો થશે.તેમની મુલાકાતને રાજકીય રીતે ઘણી સુચક માનવામાં આવે છે.


વધુ અહેવાલ વાંચવા ફોટો બદલો.

(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: કોંગ્રેસે લોકસભાની ચૂંટણીની તૈયારીઓમાં જોતરાઇ
(Read News in Gujarati from Divya Bhaskar)
Cricket Champions League

Next Article

Recommended