Home »Madhya Gujarat »Latest News »Vadodara City» Vadodara In Cyber Crime Complaint Will Now By Audio Massage

વડોદરા: સાયબર ક્રાઇમની ફરિયાદ હવે ઓડિયો મેેસેજથી લેવાશે

Manish Pandya, Vadodara | Mar 21, 2017, 08:59 AM IST

  • વડોદરા: સાયબર ક્રાઇમની ફરિયાદ હવે ઓડિયો મેેસેજથી લેવાશે,  vadodara city news in gujarati
(તસવીર પ્રતિકાત્મક)
 
વડોદરા: બેંક અધિકારીના નામે તમારા પિન નંબર સહિતની માહિતી મેળવી ભેજાબાજે ઠગાઇ કરી છે, તમારી સાથે ઓનલાઇન છેતરપિંડી કરવામાં આવી છે કે તમારા ડેબિટ કે ક્રેડિટ કાર્ડમાંથી કોઇ ગઠિયો રૂપિયા ટ્રાન્સફર કરી રહ્યો છે? તો પોલીસના 100 નંબરથી પણ ઝડપી કાર્યવાહી હવે સાયબર ક્રાઇમ વિભાગના ટોલ ફ્રી નંબર 1800 5999001 પર પણ સંપર્ક કરી શકો છો. ઇન્ટરેક્ટિવ વોઇસ રિસ્પોન્સ (આઇવીઆર)ની મદદથી તમારા ઓડિયો મેસેજની વેવ ફાઇલ સાયબર ક્રાઇમના સંલગ્ન અધિકારીઓ સહિત પોલીસ કમિશનરને પહોંચશે. પોલીસ વેવ ફાઇલના આધારે કાર્યવાહી કરી ફરિયાદ નોંધશે.
 
ઠગાઇ થઇ હશે તો કાર્ડ બ્લોક કરવા સહિતનાં પગલાં ભરશે
 
અત્યાર સુધી સાયબર ક્રાઇમની ફરિયાદ સંદર્ભે  પોલીસ અરજી લઇ તપાસ કર્યા બાદ ગુનો નોંધતી હતી. આ પ્રક્રિયામાં વિલંબ થતો હતો. જોકે, તેને ઝડપી બનાવવા સાયબર હેલ્પલાઇન શરૂ કરાઇ  હતી. હવે તેનાથી પણ આગળ વધી પોલીસે ઇન્ટરેક્ટિવ વોઇસ રિસ્પોન્સ (આઇવીઆર) નામની સિસ્ટમ શરૂ કરી છે.  પોલીસ કમિશનર મનોજ શશીધરે જણાવ્યું હતું કે , સાયબર ક્રાઇમનો ભોગ બનેલા લોકો હવે મોબાઇલથી ટોલ ફ્રી નંબર 1800 5999001 પર કોલ કરી તેમનો ઓડિયો મેેસેજ મોકલી શકશે. આ ઓડિયો મેસેજની વેવ ફાઇલ તેમને તેમજ સાયબર ક્રાઇમ સંલગ્ન અધિકારીઓને મળી જશે. અધિકારીઓ આ વેવ ફાઇલના રેકોર્ડિંગને સાંભળી બેંક કે ઓન લાઇન ઠગાઇ થઇ હશે તો કાર્ડ બ્લોક કરવા સહિતનાં પગલાં ભરશે.
 
ટોલ ફ્રી નંબર પર રોજના સરેરાશ 20 કોલ
શહેરમાં બેંકિંગ, સોશિયલ નેટવર્કિંગ તેમજ ઓન લાઇન જોબ ચીટિંગ સહિતના ઇ કોમર્સ ફ્રોડના ગુનાઓનો આંક વધતો જાય છે. એક સપ્તાહથી શરૂ થયેલા ટોલ ફ્રી નંબર પર રોજના સરેરાશ 20 જેટલા કોલ આવી રહ્યા છે. કેટલાક કોલ સાયબર  ક્રાઇમના ગુનાના નહિ પરંતુ  માર્ગદર્શન માગતા હોવાના પણ હોય છે. 
 
શું ફાયદો થશે, સાયબર સેલ 6 થી 12 કલાકમાં જ સામેથી કોલ કરી માહિતી મેળવશે
 
ટોલ ફ્રી નંબર પર કોલ કરવાથી સાયબર ક્રાઇમ વિભાગમાંથી 6 થી 12 કલાકમાં સામેથી કોલ કરી માહિતી મેળવાશે. માત્ર સૂચનથી જ નિરાકરણ આવતું હશે તો તેવી રીતે, નહિ તો તેમને પોલીસ સ્ટેશને બોલાવી તેમની અરજી લઇ ફરિયાદ નોંધવાની કાર્યવાહી કરવામાં આવશે.આ પ્રક્રિયાથી લોકોને ધક્કા નહિ ખાવા પડે.
 
કયા પ્રકારની ફરિયાદ કરી શકાય

-બેંકિંગ ફ્રોડ જેમ કે ડેબિટ કાર્ડ, ક્રેડિટ કાર્ડ, ઇન્ટરનેટ બેંકિંગ
-સો.નેટવર્કિંગને લગતા ક્રાઇમ
-ફેક આઇડી
-હેક આઇડી
-બીભત્સ તેમજ ઉશ્કેરણીજનક ફોટા કે લખાણ પોસ્ટ કરવું
-ઇ કોમર્સ ફ્રોડ 
(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Vadodara in Cyber Crime Complaint will now by audio Massage
(Read News in Gujarati from Divya Bhaskar)

Next Article

Recommended