Home »Madhya Gujarat »Latest News »Panchmahal» Gujarat Bodeli Jambugam In Farmer Do Farming Using Solar Pumpset

ગુજરાતના આ ગામના ખેડૂત વિજળી ન મળતા હતા પરેશાન, હવે સોલારથી કરે છે ખેતી

Kalpesh Pancholi, Bodeli | Mar 21, 2017, 04:42 AM IST

  • જબુગામના ખેડૂતો સોલાર સેટ લગાવી કરે છે ખેતી
બોડેલી:બોડેલી તાલુકાનું જબુગામ ખેતી ક્ષેત્રે અગ્રેસર છે ગામ છે. પરંતુ આ પંથકમાં ખેતી માટે વિજળી ન મળતાં ખેડૂતો હાલાકી ભોગવવી પડે છે. પંથકના ખેડૂતો હવે આધુનિક ખેતી તરફ વળ્યા છે.  ખેતી માટે વિજળી ન મળતાં અમુક ખેડૂતો મધ્ય ગુજરાત વિજ કંપની લી.ની સોલાર યોજના દ્રારા સોલાર પંપ સેટ ખેતરમાં લગાવી શાકભાજી, મગફળી,મકાઇ જેવા પાકો ઉગાડી સારૂ ઉત્પાદન મેળવી રહ્યા છે.
 
જબુગામ પંથકના કેટલાક ખેડૂતોને અપુરતી વિજળી મળતી હોવાને કારણે તેઓ સોલાર પેનલ પોતાના ખેતરોમાં લગાવી સવારના સાતથી સાંજના પાંચ વાગ્યા સુધી કુવા બારમાં મોટર દ્રારા પાણી ખેંચી સિંચાઇ કરી રહ્યા છે. આના દ્રારા ખેડૂતોને વિજળી જવાનો ડર રેહતો નથી અને સાથે વિજળી બિલની પણ ચિંતા રહેતી નથી. 
 
આ અંગે જબુગામના ખેડૂત અરવિંદ સિંહ ચાવડાએ જણાવ્યું હતું કે, વારંવાર વિજળી ડુલ થવાને કારણે છતે પાણીએ પાક સુકાઇ જતો હતો જેથી સોલાર પેનલ દ્રારા હવે આ સમસ્યા દુર થઇ છે. અને સાથે સરકારના કૃષિ વિભાગના માર્ગદર્શનથી  ખેતી કરતા હવે ઉત્પાદન પણ વધ્યું છે. આમ, જબુગામ પંથકના ખેડૂતોમાં હાલ સોલાર દ્રારા સિંચાઇનો આ નવતર પ્રયોગ આવકારદાયક બન્યો છે. જેમાં ખેડૂતોને વિજળી જવાની ચિંતા નથી હોતી અને વિજળી બિલ પણ ચુકવવું નથી પડતું જેથી ઉત્પાદન ખર્ચ ઘટતાં પાક નફો વધુ મળે છે.
 
આ અંગેની વધુ તસવીરો જોવા આગળની સ્લાઇડ પર ક્લિક કરો...
(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Gujarat Bodeli Jambugam in Farmer do Farming Using Solar Pumpset
(Read News in Gujarati from Divya Bhaskar)

Next Article

Recommended