Home »Madhya Gujarat »Latest News »Nadiad» Two MP Ridha Accused Of Burglary Arrested At Nadiad

નડિયાદ: ઘરફોડનો આતંક મચાવનારા MPના બે રિઢા આરોપી ઝબ્બે

Bhaskar News, Nadiad | Mar 21, 2017, 02:08 AM IST

  • બંને રિઢા તસ્કરોને શહેર પોલીસે હથિયાર સાથે પકડી પાડ્યા હતા.
નડિયાદ: નડિયાદ પશ્ચિમના સોસાયટી વિસ્તારમાં ઘરફોડ ચોરીઓ કરીને આતંક મચાવનાર મધ્યપ્રદેશના બે રિઢા તસ્કરોને  પીપલગ રોડ પર ઝલક ચોકડી પાસેથી  એલસીબી પોલીસે ઝડપી પાડ્યા છે.  પોલીસે બંને પાસે દેશી તમંચો તથા એક લોખંડનું કાતરીયું ઝડપી પાડ્યુ હતું. 
 
બંને આરોપીએ નડિયાદ અને ઉતરસંડામાં છેલ્લાં છ માસમાં 7 ઘરફોડના ગુના આચર્યા હોવાની પોલીસને પ્રાથમિક પુછપરછમાં જણાવ્યું હતું. જિલ્લા પેરોલ ફ્લો સ્કવોર્ડના પોસઈ બી.આર.પટેલ તથા એલસીબીના એએસઆઈ સરફરાજહુસેન અન્ય સ્ટાફ સાથે ઝલક ચોકડી પાસે વાહન ચેકીંગ દરમિયાન બંને આરોપીને પકડી પાડ્યા હતા. 
 
નડિયાદ તથા ઉતરસંડામાં 6 માસમાં 7 સ્થળે ઘરફોડનો ગુનો આચર્યો
 
- પટેલ સોસાયટીના એક મકાનની બારીની ગ્રીલ તોડી ડ્રોઈંગરૂમમાં મુકેલ તિજોરી તથા કબાટ તોડી ચાંદીના દાગીના, સાંકડા તથા સેટ સહિત કુલ રૂ. 3200ની ચોરી કરી હોવાની કબુલાત. 
- છ માસ પહેલા નડિયાદ પીજ રોડ વલ્લભનગર સોસાયટીના બંગલા નં.58 બંધ મકાનનો નકુચો તોડી રૂ.25 હજાર રોકડા, બે આઈફોન તથા ચાંદીના કડા નંગ-2ની ચોરી.
- વલ્લભનગર સોસાયટી બંગલા નં.56 બંધ મકાનનો નકુચો તોડી ચોરી કરવાનો પ્રયાસ તથા બંગલા નં.52માં ચોરી કરવા જતાં મકાનમાલિક જાગી જતાં ભાગી ગયા હતા.
- 15 દિવસ પહેલા નડિયાદ ક્રિષ્ણાનગર કોલોની મકાનની બારીની ગ્રીલ કાઢી મકાનમાં પ્રવેશ કરી તિજોરીમાં મુકેલ ચાંદીના છડા, સોનાનો વરખ ચઢાવેલ નેકલેસ્ટ, ઘડિયાળ, ઈમ્પોર્ટેડ ગોગલ્સ તથા રૂ. 5500 રોકડાની ચોરી.
- 15 દિવસ પહેલા નડિયાદ વલ્લભનગર સોસાયટીમાં બે મકાનોની બારીની ગ્રીલ કાઢી ચોરી કરવાનો પ્રયાસ 
- નડિયાદ તાલુકાના ઉતરસંડા રેલવે સ્ટેશન નજીક મેલડીકૃપા બંગલાનો નકુચો તોડી અંદર પ્રવેશ કરી માતાજીનું ચાંદીનુ છત્ર, ચાંદીની ગણપતિની મૂર્તિ તથા દર્શન પેટીમાંથી રૂ.1500ની ચોરી. 
- ઉતરસંડા રેલવે સ્ટેશન રોડ પર આવેલ મેલડીકૃપા બંગલા પાસે મકાન નં.27માં દરવાજાનો નકુચો તોડી રૂ.1300ની મત્તાની ચોરી.
 
આગળની સ્લાઇડમાં વાંચો,દિવસે ફુગ્ગા વેચી રાત્રિનાં ઘરફોડ...
(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Two MP ridha accused of burglary Arrested at Nadiad
(Read News in Gujarati from Divya Bhaskar)
DBPL T20

Next Article

Recommended