Home »Madhya Gujarat »Latest News »Gandhinagar» New 7 District, 22 Taluka

નવા ૭ જિલ્લા, ૨૨ તાલુકા આજથી અસ્તિત્વમાં નહીં

Bhaskar News, Gandhinagar | Jan 26, 2013, 00:06 AM IST

- મુખ્યમંત્રીની જાહેરાત છતાં સ્થાનિક વિરોધ અને ટેકનિકલ કારણો જવાબદાર

ગુજરાત સરકારે રાજ્યના મોટા ભૌગોલિક વિસ્તાર ધરાવતા જિલ્લા અને તાલુકાઓનું વિભાજન કરીને નવા ૭ જિલ્લા અને ૨૨ તાલુકાઓની નવરચનાની જાહેરાત કરી હતી. જે મુજબ આ નવા જિલ્લા અને તાલુકાઓ ૨૬મી જાન્યુઆરીથી અસ્તિત્વમાં આવનાર હતા પરંતુ સ્થાનિક વિરોધ સહિ‌તના ટેકનિકલ કારણોસર આ જિલ્લાઓ ૨૬મીથી અમલમાં આવી શકશે નહીં. ૨પમીની પૂર્વસંધ્યા સુધીમાં રાજ્યના એક પણ નવા તાલુકા-જિલ્લા મથકોની કચેરીઓ ખૂલી શકી નથી.

રાજ્ય સરકારના સૂત્રોના જણાવ્યા મુજબ જિલ્લા વિભાજનમાં નવા જિલ્લા અને તાલુકા મથક નક્કી કરવામાં સ્થાનિક લોકોની લાગણીઓને ધ્યાનમાં લેવાની સરકારને ફરજ પડી રહી છે. અનેક તાલુકા-જિલ્લાઓમાં વિભાજનને કારણે લોકવિરોધને પગલે મુખ્યપ્રધાન નરેન્દ્ર મોદીએ ગત સપ્તાહે યોજાયેલી કેબિનેટની બેઠકમાં વિભાજનમાં ભૌગોલિક સ્થિતિ સહિ‌તની ટેકનિકલ બાબતોનો વિસ્તૃત અભ્યાસ કરવા અને આખરી નિર્ણય કરતાં પહેલાં સ્થાનિક વિરોધને ખાળવા નાગરિકોને સાંભળવા-હીયરિંગ કરવા કલેક્ટરોને સૂચના જારી કરી છે. નવા તાલુકા-જિલ્લાઓની રચના ઘાંચમાં પડવા પાછળના અન્ય કારણોમાં જે તે વિસ્તારોમાં જાહેર થયેલી ગ્રામ, તાલુકા, જિલ્લા પંચાયતો જેવી સ્થાનિક સ્વરાજની ચૂંટણીઓને પણ કારણભૂત ગણવામાં આવે છે. આ સ્થિતિમાં ૨૬મી જાન્યુઆરીએ ગુજરાતમાં નવા તાલુકાઓ અને જિલ્લાઓ અસ્તિત્વમાં આવશે નહીં.

કયા ૭ જિલ્લા અને ૨૨ તાલુકાઓ અસ્તિત્વમાં આવવાના હતા :

જિલ્લાઓ :અરવલ્લી, ગીર-સોમનાથ, બોટાદ, છોટાઉદેપુર, મહિ‌સાગર, મોરબી, દેવભૂમિ દ્વારકા

તાલુકાઓ :ગીરગઢડા, જૂનાગઢ સિટી, લાખણી, ગોઝારિયા, જેસર, ખેરગામ, શંખેશ્વર, સરસ્વતી, વાપી, વઘઈ, જોટાણા, નેત્રંગ, સૂઈગામ, થાનગઢ, ધોલેરા, વિંછિયા, ફાગવેલ, ગલતેશ્વર, બોડેલી, પોશીના, સંજેલી અને સુબીર.

(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: New 7 district, 22 taluka
(Read News in Gujarati from Divya Bhaskar)
DBPL T20

Next Article

Recommended