Home »Madhya Gujarat »Latest News »Gandhinagar» Gandhinagar Advocate To Be Suspended From Duty

કેસ કર્યા વિના અસીલ પાસેથી ફી લેનાર વકીલ સસ્પેન્ડ, કાઉન્સિલમાં ફરિયાદ

Bhaskar News, Gandhinagar | Mar 21, 2017, 02:31 AM IST

  • પ્રતિકાત્મક તસવીર
ગાંધીનગર:  ગાંધીનગરના નિવૃત્ત સરકારી કર્મચારીના જમીન સંપાદનનો કેસ લડવાના બહાને અમદાવાદના વકીલે રૂ. 3 લાખનો ચૂનો ચોપડ્યો હતો. 2 વર્ષ પહેલાંની ઘટનામાં રૂપિયા લેનારા વકીલે રેવન્યુ વિભાગમાં કેસ ફાઇલ જ ન કર્યો નહોતો. વકીલે આપેલો ચેક પણ રિટર્ન જતાં નિવૃત્ત કર્મચારીએ ધી ડિસિપ્લિનરી કમિટી ઓફ બાર કાઉન્સિલમાં ફરિયાદ કરી હતી, જેને પગલે 3 વર્ષ માટે વકીલનું લાઇસન્સ સસ્પેન્ડ કરી રૂ. 50 હજારનો દંડ કર્યો છે.  

સેક્ટર 6માં રહેતા કેપિટલ પ્રોજેક્ટના નિવૃત્ત કર્મચારી ડાહ્યાભાઈ પ્રજાપતિની સરગાસણ સ્થિત જમીન સંપાદિત થઈ હતી. આથી તેમણે અમદાવાદના વટવાસ્થિત ઍડ્વૉકેટ એન. આર. શર્માને કેસ સોંપ્યો હતો અને રૂ. 3 લાખ ફી નક્કી કરાઈ હતી. ડાહ્યાભાઈના જણાવ્યા અનુસાર જુલાઈ, 2013માં પ્રથમ રૂ. 50 હજાર આપ્યા હતા. વકીલે રેવેન્યુ સચિવની કચેરીમાં કેસ ફાઇલ કર્યાનું જણાવી ડી/1124/2013નો કેસ નંબર આપ્યો હતો.
 
પોલીસે ફરિયાદ નોંધવા 2 વર્ષ ધક્કા ખવડાવ્યા
ડાહ્યાભાઈ છેતરપિંડીની ફરિયાદ નોંધાવવા વટવા પોલીસ સ્ટેશન ગયા હતા. ત્યાં પોલીસે જણાવ્યું હતું કે ડીલ નક્કી તમારા ઘરે થઈ હોવાથી ગાંધીનગર પોલીસને ફરિયાદ કરવી પડશે. જ્યારે સેક્ટર 7 પોલીસ સ્ટેશનમાં ફરિયાદ કરવા જતાં જણાવ્યું હતું કે પૈસાની લેતીદેતી વકીલની વટવા ઑફિસે થઈ હોવાથી ત્યાં ફરિયાદ લખાવવી પડશે. ડાહ્યાભાઈ આ રીતે 2 વર્ષથી પોલીસ ફરિયાદ કરવા દોડી રહ્યા છે, પણ પોલીસ તેમની સાથે ખો-ખો રમી રહી છે.
 

આગળ વાંચો, વધુ વિગતો
 
(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: gandhinagar advocate to be suspended from duty
(Read News in Gujarati from Divya Bhaskar)
Cricket Champions League

Next Article

Recommended