Home »Madhya Gujarat »Latest News »Gandhinagar» Election Will Be Soon Started In Gujarat Reference From Up Result

યુપીની જીતની અસર ગુજરાત પરઃ મોદી અને શાહ વહેલી ચૂંટણી કરાવી શકે

Bhaskar News, Gandhinagar | Mar 21, 2017, 02:33 AM IST

  • યુપીની જીતની અસર ગુજરાત પરઃ મોદી અને શાહ વહેલી ચૂંટણી કરાવી શકે,  gandhinagar news in gujarati
ગાંધીનગર :  ગુજરાતમાં વિધાનસભાની ચૂંટણી સમય કરતા વહેલી યોજાવામાં આવે તેવા એંધાણ વરતાઈ રહ્યા છે. મોદી અને શાહ ઉત્તર પ્રદેશમાં મળેલી અભૂતપૂર્વ સફળતાથી ઊભી થયેલી લહેરનો પૂરતો લાભ લેવા માંગે છે. ઉત્તર પ્રદેશમાં ચૂંટણી પૂરી થયા બાદ ખૂબ મોટી માત્રામાં ત્યાં રહેલી ચૂંટણી સામગ્રીને ગાંધીનગર પ્રદેશ કાર્યાલય ખાતે મોકલાઈ રહી છે.

ગત રવિવારની રાત્રે મુજબ 20 ટ્રેલર ભરીને આ સામગ્રી કમલમ ખાતે આવી પહોંચી હતી. જો કે, ભાજપના સંબંધિત પદાધિકારીઓ આ અંગે જાણકારી ન હોવાનું જણાવે છે.સૂત્રો મુજબ નજીકનાં સમયમાં જ અધિકારીઓની બદલીનો ગંજીફો ચીપવામાં આવશે.  પ્રાપ્ત માહિતિ મુજબ એપ્રિલના પ્રથમ સપ્તાહ બાદ વિધાનસભા ભંગ કરીને જૂનના બીજા સપ્તાહ સુધીમાં ચૂંટણી જાહેર કરી દેવામાં આવશે.
 
ભાજપ માટે સ્થિતિ વધારે મુશ્કેલીજનક બની શકે છે.
સૂત્રોનું કહેવું છે કે, ઉત્તર પ્રદેશમાં મળેલી સફળતાની લહેર કદાચ ડિસેમ્બર 2017 સુધી ન પણ ચાલે કારણ કે, રાજ્યમાં પાટીદાર અને ઓબીસી આંદોલન ઉપરાંત, ખેડૂત, બેરોજગારો, ફિક્સ પગારદારો તેમજ આંગણવાડી અને આશાવર્કર બહેનોના આંદોલન પણ ચાલી રહ્યા છે. એવામાં જો નબળું ચોમાસું જાય તો ભાજપ માટે સ્થિતિ વધારે મુશ્કેલીજનક બની શકે છે. તેથી જ જૂનમાં જ ચૂંટણી કરી દેવામાં આવે તેવી સંભાવના અતિ પ્રબળ બની છે.
 
(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Election will be soon started in gujarat reference from up result
(Read News in Gujarati from Divya Bhaskar)
DBPL T20

Next Article

Recommended