Home »Madhya Gujarat »Latest News »Anand» Vidyanagar In Students Moved Hospital Due Health Issue In Std 10 Exam

વિદ્યાનગરમાં ધો.10ની પરીક્ષા આપનાર છાત્રની તબિયત લથડતાં હોસ્પિટલમાં ખસેડાયો

Bhaskar News, Anand | Mar 21, 2017, 01:50 AM IST

  • વિદ્યાનગરમાં ધો.10ની પરીક્ષા આપનાર છાત્રની તબિયત લથડતાં હોસ્પિટલમાં ખસેડાયો,  anand news in gujarati
(તસવીર પ્રતિકાત્મક)
 
આણંદ: વિદ્યાનગર સ્થિત આરપીટીપી સ્કૂલમાં સવારના એસએસસીની ગણિત વિષયની પરીક્ષા ચાલી રહી હતી. ત્યારે બપોરના 12.30 કલાકે બ્લોક નંબર 28માં પરીક્ષા આપી રહેલા રિપીટર વિદ્યાર્થી પિયુષ પરબતભાઇ રાઠોડને એકાએક ખેંચ આવતાં બેન્ચીસ પર ઢળી પડ્યા હતા. જેથી સંચાલક સંજયભાઇ સુથારે તાત્કાલિક 108 એમ્બ્યુલન્સ વાન બોલાવીને પિયુષ રાઠોડને કરમસદની શ્રીકૃષ્ણ હોસ્પિટલમાં ખસેડાયો હતો. પિયુષ રાઠોડ વિદ્યાનગરની એમ.યુ.પટેલ ટેક્નિકલ સ્કૂલનો રિપીટર વિદ્યાર્થી હતો. શ્રીકૃષ્ણ મેડિકલ હોસ્પિટલમાંથી પિયુષ રાઠોડને તેના વાલી દ્વારા અન્ય હોસ્પિટલમાં લઇ જવામાં આવ્યો હતો.
 
ગળતેશ્વરના મેનપુરામાં ચિઠ્ઠીમાંથી લખતાં રિપીટર પરીક્ષાર્થી ઝડપાયો
 
ગળતેશ્વરના મેનપુરામાં ધો.10માં ગણિત વિષયની પરીક્ષામાં ચોરી કરતાં એક વિદ્યાર્થી પડકાયો હતો. આ વિદ્યાર્થી ડર વિના બેંચીસ પર ચિઠ્ઠી મૂકી પ્રશ્નના ઉત્તર લખતો હતાે.આ સંદર્ભે મેનપુરા શારદામંદિર હાઇસ્કૂલના પરીક્ષા સ્થળસંચાલક એ.સી. પટેલે જણાવ્યું હતું કે, ધો.10 ની સોમવારે ગણિત વિષયની પરીક્ષા હતી. આ પરીક્ષા સવારે 10 કલાકે શરૂ થઇ હતી. શાળાના બ્લોક નં 60 માં પરીક્ષા આપી રહેલા રિપીટર વિદ્યાર્થી બેંચીસ પર ચિઠ્ઠી મૂકી ને લખતો હતો. આ વિદ્યાર્થીને ચિઠ્ઠીમાંથી લખતાં રંગેહાથ બ્લોક સુપરવાઇઝરે ઝડપી પાડયો હતો. તેની પાસેથી ચિઠ્ઠી પણ કબ્જે લેવામાં આવી હતી. ત્યારબાદ આ વિદ્યાર્થી સામે કોપી કેસ કરવામાં આવ્યો હતો.
 
(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Vidyanagar in students moved hospital due health issue in Std 10 exam
(Read News in Gujarati from Divya Bhaskar)
DBPL T20

Next Article

Recommended