Home »Madhya Gujarat »Latest News »Anand» આણંદ RTO ઓફિસમાં ટેકનિકલ ખામી સર્જાતા 1 માસથી કામગીરી ઠપ

આણંદ RTO ઓફિસમાં ટેકનિકલ ખામી સર્જાતા 1 માસથી કામગીરી ઠપ

DivyaBhaskar News Network | Mar 21, 2017, 03:40 AM IST

આણંદઆરટીઓમાં છેલ્લા કેટલાક સમયથી સોફ્ટવેરમાં ખામી સર્જાતા વિતેલા એક માસથી અનેક પ્રકારની કામગીરી અટકી પડી છે. નંબર પ્લેટ, આરસી બુક સહિતના કામો બંધ હોવાના કારણે શહેર સહિત જિલ્લાભરમાંથી આવતા અરજદારોને ધક્કા પડી રહ્યાં છે. બીજી તરફ અધિકારીઓ પણ સર્વ બંધ હોવાનું કહી હાથ ઉંચા કરી રહ્યાં છે.

સૂત્રોના જણાવ્યાનુસાર, આણંદ આરટીઓમાં નવા સોફ્ટવેર સિસ્ટમ અમલમાં મુકવામાં આવતા છેલ્લા એકાદ માસથી નવા ખરીદ કરેલા વાહન માલિકો પરેશાની ભોગવી રહ્યા છે. સોફ્ટવેરની ખામીના કારણે આણંદ આરટીઓમાં કામ અટકાવી દેવામાં આવ્યાં છે. જેને કારણે દૂર દૂરથી કચેરીમાં આવતા લોકોને ધરમધક્કા થઇ રહ્યા છે અને પોતાની સગવડ માટે ખરીદેલા વાહનના નંબર નહિ મળવાના કારણે માલિકો ડરી ડરી ને વાહનો ફેરવી રહ્યા છે. નંબર પ્લેટ, આરસી બુક સહિતના કામો રોકી દેવામાં આવ્યાં છે.

આણંદ આરટીઓના અધિકારીએ જણાવ્યું હતું કે ‘સોફ્ટવેરની ખામી અંગે એનઆઈસીને જાણ કરી દેવામાં આવી છે, એકાદ અઠવાડિયામાં પ્રશ્ન હલ થઇ જશે તેવી હૈયા ધારણા આપી હતી.’

આરટીઓ કચેરીમાં ટેકનીકલ ખામીના કારણે પ્રજાને પરેશાની.

જિલ્લાના દ્વિચક્રી વાહનમાલિકો નંબર અને RC બુક માટે ધક્કા ખાઈ રહ્યાં છે

(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: આણંદ RTO ઓફિસમાં ટેકનિકલ ખામી સર્જાતા 1 માસથી કામગીરી ઠપ
(Read News in Gujarati from Divya Bhaskar)

Next Article

Recommended