Home »Madhya Gujarat »Latest News »Anand» આંકલાવના ગંભીરા ગામ નજીક ચેકડેમ બનાવવા માગ

આંકલાવના ગંભીરા ગામ નજીક ચેકડેમ બનાવવા માગ

DivyaBhaskar News Network | Mar 21, 2017, 03:40 AM IST

  • આંકલાવના ગંભીરા ગામ નજીક ચેકડેમ બનાવવા માગ,  anand news in gujarati
આણંદજિલ્લાના આંકલાવ તાલુકાના ગંભીરા અને આસપાસના ગામોમાં છેલ્લા કેટલાક સમયથી ક્ષારની સમસ્યા વકરી રહી છે. પીવાના પાણીના સ્ત્રોતમાં પણ ક્ષાર ભળી જતાં તે પીવાલાયક રહ્યાં નથી. અંગે ગંભીરા ગામના સરપંચ અમરસંગ પઢિયારે તાજેતરમાં મુખ્યમંત્રીને લેખિતમાં રજુઆત કરી સમસ્યાના કાયમી ઉકેલ માટે તાત્કાલિક ચેકડેમ બનાવવા માગણી કરી છે.

આંકલાવ તાલુકાના મહીનદીના કાંઠા વિસ્તારમાં આવેલા ગંભીરા ગામમાં છેલ્લા ઘણા વર્ષોથી પીવાના પાણી માટે ઘણી મુશ્કેલીઓનો સામનો કરવો પડી રહ્યો છે. દરિયાનું પાણી મહીનદીમાં સિંઘરોટના આડબંધ સુધી આવે છે, જે પાણી ક્ષારવાળુ હોવાથી જમીનમાં ક્ષાર વધ્યો છે. અગાઉ 1996માં આવેલા પુરના કારણે 250 મીટર વહેણ ગંભીરાની જમીન ધોવાણ થઇ જતાં ભરતી સમયે પાણી ભરાઇ રહે છે. જેથી ગામની નજીકના તમામ કુવા ખારા થઇ ગયાં છે. હાલ ગામના લોકોની હાલત બદતર થઇ ગઇ છે. આડબંધ બન્ને બાજુ બાંધવામાં આવે તો ખારાશના પાણી બંધ થાય તેમ છે. જેના પરિણામે ખેડૂતોની જમીન બગડતી અટકી શકે છે.

1500 એકર જમીન બિનઉપયોગી બની

ગંભીરા અને આસપાસના ગામોમાં મોટા ભાગની જમીન બિન ઉપજાવ થઇ ગઈ છે. હાલ ખારાશના કારણે વિસ્તારની અંદાજીત 1500 એકર જમીનને નુકશાન થયું છે. જેને કારણે બે હજાર પરિવારની જીંદગી પ્રભાવીત થઇ છે. લોકો ખેતીને બદલે પશુપાલ તરફ વળી રહ્યાં છે.

જમીનસુધારવાની

કામગીરી થવી જોઈએ

ગંભીરાગામના સરપંચ અમરસંગ પઢિયારે જણાવ્યું હતું કે અગાઉ આવેલા પૂરને કારણે કેટલીક જમીનોમાં રેતીના થર બાજી ગયાં છે. જમીન રેતાળ બની છે. જ્યાં પહેલા ખેતી થતી હતી. અત્યારે બિન ઉપજાવ થતા મોટા ભાગની જમીન પડી રહી છે. જો સરકાર વિશેષ પેકેજ આપી જમીન ઉપર પથરાયેલી રેતી હટાવવામાં આવે તો ખેતી ફરી જીવંત બની શકે છે.

ગ્રામ પંચાયતે છેવટે ક્ષારયુક્ત પાણીની સમસ્યાના ઉકેલ માટે CM સમક્ષ ધા નાંખી

(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: આંકલાવના ગંભીરા ગામ નજીક ચેકડેમ બનાવવા માગ
(Read News in Gujarati from Divya Bhaskar)
Cricket Champions League

Next Article

Recommended