Home »Madhya Gujarat »Latest News »Ahmedabad City» History Sheeter Of Dariyapur Wine Party

નબીરાઓની થીમઃ રાજા-રાણી બનો અથવા સફેદ કપડાં પહેરો

Bhaskar News, Ahmedabad | Apr 24, 2012, 00:57 AM IST

દરિયાપુરનો હિ‌સ્ટ્રીશીટર મહેફિલમાં શું કરતો હતો?

ચિનાઈબાગના ફ્લેટ નંબર એ-૨-૧૦૨માં યોજાયેલી દારૂની મહેફિલના સ્થળે દરિયાપુરનો જૂનો હિ‌સ્ટ્રીશીટર અને કેટલાક આઇપીએસ અધિકારીઓ સાથે સંબંધ ધરાવનાર એ કુખ્યાત શખ્સ શું કરતો હતો..? આ પ્રશ્ન લોકોમાં ચર્ચાઈ રહ્યો છે. જાણવા મળતી વિગતો મુજબ ગુજરાત સમાચારના અમમ શ્રેયાંસભાઈ શાહ સહિ‌ત ૪૧ યુવક-યુવતીઓ જે પાર્ટીમાં ઝડપાયાં હતાં તે પાર્ટીના સ્થળે દરિયાપુરની આ કુખ્યાત વ્યક્તિ હાજર હતી. તેથી લોકોમાં એવી ચર્ચા છે કે શું આ કુખ્યાત વ્યક્તિએ હર્ષ સતિષભાઈ શાહની પાર્ટી માટે દારૂની વ્યવસ્થા કરી આપી હતી..? જો કે આશ્ચર્યજનક સંજોગોમાં આ શખ્સ પોલીસ પહોંચે તે પહેલાં જ ત્યાંથી નીકળી ગયો હતો.

અટકમાં લેવાયેલાઓના પરિચિતો પૈકી કેટલાકનું કહેવું હતું કે પાર્ટીના સ્થળે દરિયાપુરનો એ ભેદી શખ્સ હાજર હતો. આ શખ્સને કેટલાક આઇપીએસ સાથે સંબંધ છે અને હાલમાં બિલ્ડર બની ચૂકેલો આ શખ્સ અગાઉ પોલીસનો બાતમીદાર પણ હતો. જો કે બપોરે ત્રણ-ચાર વાગ્યે પોલીસ પહોંચી તે પહેલાં આ શખ્સ અત્યંત ભેદી સંજોગોમાં ત્યાંથી નીકળી ગયો હતો. આ દરમિયાન પોલીસે પણ આ શખ્સની ભૂમિકા અંગે તપાસ હાથ ધરતાં અનેક તર્કવિતર્કો વહેતા થયા છે.

રાજા-રાણી બનો અથવા સફેદ કપડાં પહેરો

હર્ષ શાહની પાર્ટીની થીમ કિંગ એન્ડ ક્વીન હતી. પાર્ટીમાં આવેલા ઘણા લોકો જુદા જુદા દેશોનાં રાજા-રાણી બનીને આવ્યાં હતાં. કોઈ થાઇલેન્ડના રાજાના વેશમાં હતું, તો કોઈ ચીનની રાણીના વેશમાં હતું. આવા સંજોગોમાં ગુજરાત સમાચારના અમમ શાહ રાજા તો બન્યા ન હતા, પરંતુ સફેદ રંગનાં કપડાં પહેરીને આવ્યા હતા. તેમની પત્ની બિનૌતીબહેન પણ સફેદ રંગના ડ્રેસમાં પણ સજ્જ હતાં. પ્રશ્ન એ હતો કે ફેન્સી ડ્રેસ કોમ્પિટિશનમાં આવ્યા હોય તેવા દેખાતા મહેમાનો કેવી રીતે તે જ કપડાંમાં પોલીસની સાથે જાય, તેથી પોલીસે કપડાં બદલવા માટે સમય આપ્યો હતો.



(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: history sheeter of dariyapur wine party
(Read News in Gujarati from Divya Bhaskar)
DBPL T20

Next Article

Recommended