Home »Madhya Gujarat »Latest News »Ahmedabad City» Special Story On Ahmedabad Board Exam From Maninagar

57 વર્ષે ધો-10ની પરીક્ષા: ‘બાળકો મારું ઉદાહરણ ન આપે માટે પરીક્ષા આપું છું’

Bhaskar News, Ahmedabad | Mar 20, 2017, 10:30 AM IST

  • 57 વર્ષે ધો-10ની પરીક્ષા: ‘બાળકો મારું ઉદાહરણ ન આપે માટે પરીક્ષા આપું છું’,  ahmedabad city news in gujarati
અમદાવાદઃ બાળકો દાદાનું ઉદાહરણ આપી ભણવાનું છોડી દે નહીં માટે મેં ભણવાનું શરૂ કર્યું છે અને હાલ ધો.10 બોર્ડની પરીક્ષા આપી રહ્યો છે. તેવું કહેતા પરીક્ષાર્થી 57 વર્ષીય કિરણ ભાવસારે જણાવ્યું હતું કે 2016માં પ્રથમ વખત ધો.10 બોર્ડની પરીક્ષા આપી હતી. જેમાં ત્રણ વિષયમાં નાપાસ થયો હતો. કોઇ પણ સંજોગોમાં ધો.10 પાસ કરવાના હેતુથી 2017માં ત્રણ નાપાસ વિષય ગુજરાતી,અંગ્રેજી અને ગણિતની પરીક્ષા આપી રહ્યો છું.

મણિનગરમાં શારદાબેનની વાડીમાં રહેતા કિરણ ભાવસારે જણાવ્યું હતું કે 1974માં સરસપુરની એશિયન હાઇસ્કૂલમાં ધો-9 સુધી અભ્યાસ કર્યો હતો. ત્યારબાદ કુટુંબની જવાબદારી નિભાવવાના કારણે  ભણવાનું છોડી દીધું હતું. હાલ છોકરા મોટા થઇ ગયા છે. મને કોઇ ચિંતા નથી. પરંતુ સમાજના વડીલો બાળકો માટે ઉદાહરણ ગણાય છે. જેથી બાળકો ભવિષ્યમાં મારી પ્રેરણા લઇ ભણવામાં રસ દાખવે. તે હેતુથી ધો.10 બોર્ડની પરીક્ષા આપવાનો નિર્ણય કર્યો હતો.

ત્રણ વિષયમાં નાપાસ છતા આપી પરિક્ષા

2016માં ડિવાઇનબર્ડ સ્કૂલમાંથી ફોર્મ ભરી પરીક્ષા આપી હતી. જેમાં ત્રણ વિષયમાં નાપાસ થયો હતો. મારા પૌત્રોમાં ભણવાનો ઉત્સાહ વધે તેવા અભિગમ સાથે હું પરીક્ષા આપું છે. તેવું કહેતા કિરણભાઇએ જણાવ્યું હતું કે દાદા અભણ છે, તેમ માની મારા પૌત્રો ભવિષ્યમાં અભ્યાસ છોડી દે નહીં તે હેતુથી હું વારંવાર પરીક્ષા આપવા ઇચ્છું છું. ગતવર્ષે જે વિષયોમાં નાપાસ થયો હતો તે ગુજરાત,અંગ્રેજી અને ગણિત વિષયની પરીક્ષા ચાલુવર્ષે મણિનગરની બ્રાઇટ સ્કૂલમાંથી આપી રહ્યો છું. ગુજરાતીનું પેપર સારૂ ગયું છે. ચાલુવર્ષે ધો.10 બોર્ડમાં પાસ થઇ જવાની આશા છે. મારી સાથે મારા કુટુંબના ચાર વિદ્યાર્થી ધો.10-12 બોર્ડની પરીક્ષા આપી રહ્યા છે.
 
 શિક્ષકોએ વર્તન સુધારવાની જરૂર છે
 
બોર્ડની પરીક્ષા આપી રહેલા 57 વર્ષીય કિરણ ભાવસારે જણાવ્યું હતું કે શિક્ષકોને ભાષા સુધારવાની જરૂર છે. ક્લાસરૂમમાં વિદ્યાર્થીઓ માટે અપમાનિત ભાષાનો ઉપયોગ કરે છે. કડક વલણ અપનાવે છે. આનાથી વિદ્યાર્થીઓમાં વધુ ભય રહે છે. વિદ્યાર્થીઓ પ્રત્યે પ્રેમ દાખવો જોઇએ. જેથી શાંતિપૂર્ણ માહોલમાં વિદ્યાર્થીઓ પરીક્ષા આપી શકે.
 
CCTVથી ચોરીનું પ્રમાણ ઘટ્યું છે

વર્ગખંડમાં સીસીટીવી હોવાના કારણે ચોરીઓનું પ્રમાણ ઘટ્યું છે. અત્યારનું શિક્ષણ પણ સારું છે. જેથી વિદ્યાર્થીઓએ ભણતર પર ભાર મૂકવો જોઇએ. આધુનિક ટેકનોલોજીને કારણે જો ગેરરીતિ પર અંકુશ આવી શકતો હોય તો તેનો ઉપયોગ અચૂક થવો જોઈએ.
 
(Latest Gujarati News) સાથે જોડાયેલા અન્ય (Madhya Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: special story on ahmedabad board exam from maninagar
(Read News in Gujarati from Divya Bhaskar)
DBPL T20

Next Article

Recommended