Home »Maharashtra »Latest News »Mumbai» Gang Rape On Woman After Mysteriously Fall Down On Fifth Floor At Mumbai

મુંબઈ: મહિલા પર ગેન્ગરેપ પછી પાંચમા માળેથી રહસ્યમય રીતે પટકાઈ

Bhaskar News, Mumbai | Mar 18, 2017, 04:12 AM IST

  • મુંબઈ: મહિલા પર ગેન્ગરેપ પછી પાંચમા માળેથી રહસ્યમય રીતે પટકાઈ,  mumbai news in gujarati
મુંબઈ:મુંબઈમાં ઉત્તર પ્રદેશથી નોકરીને બહાને લાવવામાં આવેલી 27 વર્ષની મહિલા પર બે જણે ગેન્ગરેપ કર્યા પછી દક્ષિણ મુંબઈના એક મકાનમાંથી રહસ્યમય રીતે નીચે પડીને ગંભીર રીતે ઈજા પામી છે. બંને આરોપીની પોલીસે ધરપકડ કરી છે. આજે પરોઢિયે આ મહિલા પાયધુની વિસ્તારના મકાનના એક ડક્ટમાં પડેલી મળી આવી હતી. તેને નજીકની જેજે હોસ્પિટલમાં દાખલ કરવામાં આવી છે, જ્યાં તેની પર ગંભીર હાલતમાં સારવાર ચાલી રહી છે. 

ડીસીપી જ્ઞાનેશ્વર ચૌહાણે જણાવ્યું હતું કે ગેન્ગરેપનો ગુનો દાખલ કરીને બે જણની ધરપકડ કરાઈ છે. નોકરીને નામે આ મહિલાનો જ એક પરિચિત મુંબઈમાં 10 દિવસ પૂર્વે લાવ્યો હતો. બંને આઠ દિવસ સુધી ભિવંડીમાં રહ્યાં હતાં, જ્યાં પરિચિતે તેની સાથે વારંવાર દુષ્કર્મ કર્યું હતું. આ પછી ગઈકાલે રાત્રે પાયધુનીના એક મકાનના પાંચમા માળે તેને પરિચિતના મિત્રના ગોદામ કમ ઘરમાં લાવવામાં આવી હતી, જ્યાં ત્રણેયે જોડે ભોજન કર્યું હતું, જે પછી આ પરિચિત તથા તેના મિત્રએ વારાફરતી સામૂહિક દુષ્કર્મ કર્યું હતું, એવું મહિલાએ પોલીસને જણાવ્યું છે. રાત્રે બંને આરોપી સૂઈ ગયા ત્યારે ઘરમાંથી ભાગી જવાના પ્રયાસમાં આ મહિલા નીચે પડીને ગંભીર ઈજા પામી છે એવું પ્રથમદર્શી જણાય છે, પરંતુ તેને ફેંકવામાં આવી છે કે નહીં તે અંગે પણ તપાસ ચાલી રહી છે, એમ તેમણે જણાવ્યું હતું.
(Latest Gujarati News) સાથે જોડાયેલા અન્ય (Maharashtra Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Gang Rape On Woman After Mysteriously Fall Down on Fifth Floor at Mumbai
(Read News in Gujarati from Divya Bhaskar)

Next Article

Recommended