Home »Kutchh »Bhuj» Kutch Gurjar Kshatriya Samaj Cricket Team Champion In Jabalpur

જબલપુરમાં કચ્છ ગુર્જર ક્ષત્રિય સમાજની ક્રિકેટ ટીમ ચેમ્પિયન

Bhaskar News, Bhuj | Jan 21, 2013, 07:31 AM IST

જબલલપુરમાં કચ્છ ગુર્જર ક્ષત્રિય સમાજ દ્વારા યોજાયેલા કચ્છયાર્ડ અંતર્ગત કચ્છની ટીમે છત્તીસગઢને પરાસ્ત કરી કેજીકે ક્રિકેટ કપ જીત્યો હતા.

મહાસભાના પ્રમુખ મણિલાલભાઇ ચાવડા તથા વિનોદભાઇ સોલંકીએ મશાલ પ્રજવલિત કરી કચ્છ યાર્ડને ખૂલ્લો મુકયો હતો. પ્રથમ વખત પ્રાદેશિક ટીમો વચ્ચે ક્રિકેટ કપની સ્પર્ધા યોજાઇ હતી, જેમાં છ ટીમે ભાગ લીધો હતો. ફાઇનલ મેચમાં કચ્છ, છત્તીસગઢ વચ્ચે મુકાબલો થયો હતો. કચ્છની ટીમે ટોસ જીતી પ્રથમ બેટિંગ લઇ ૧૦ ઓવરમાં ૫૧ રન બનાવ્યા હતા, જેમાં નીરવ ટાંકના ૨૩ રન મુખ્ય હતા, જેના જવાબમાં છત્તીસગઢની ટીમ ૪૮ રનમાં ઓલઆઉટ થઇ હતી. ટીમના મેનેજર તરીકે દીપક ચૌહાણ તથા કિરણ ચૌહાણે સેવા આપી હતી.

આ પ્રસંગે મહાસભાનું અર્ધવાર્ષિક અધિવેશન, રાષ્ટ્રીયસ્તરનું સગપણ સંમેલન, વિવિધ રમતોની સ્પર્ધા, સાંસ્કૃતિક કાર્યક્રમો, યુવા પ્રતિભા સન્માન સહિતના કાર્યક્રમો યોજાયા હતા.

કચ્છ પ્રાદેશિક સમિતિના પ્રમુખ વિનોદભાઇ સોલંકીના નેતૃત્વ હેઠળ જેટલા ખેલાડીએ ભાગ લીધો હતો, જેમાં અંજાર યુવા મંડળની ટીમ બીજા ક્રમે વિજેતા બની હતી. કચ્છની ટીમતે વિજેતા થવા બદલ બાબુલાલભાઇ પરમાર, વિનોદ જેઠવા, જયંતીલાલ વાઘેલાએ અભિનંદન આપ્યાં હતાં.

કુંવરજી ટાંક, ગજેન્દ્ર વાઘેલા, લાધુરામ રાઠોડ, મુકુન્દ પરમાર, પરસોત્તમ જેઠવા, દિલીપ ચૌહાણ, રમણીકલાલ વાઢેર, વિનોદ ખોડિયાર, વિનોદ પિઢયાર, અજય પિઢયાર હાજર રહ્યા હતા.

Gujarati News સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: Kutch Gurjar Kshatriya Samaj Cricket Team Champion in Jabalpur
(News in Gujarati from Divya Bhaskar)

Next Article

Recommended

      PrevNextNext