Home »Kutchh »Bhuj» Smriti Irani Opening Of Advance Textile Units At Anjar

‘કચ્છનો ઝડપી ઔદ્યોગિક વિકાસ PM મોદીના કારણે શક્ય બન્યો’: સ્મૃતિ ઇરાની

Bhaskar News, Anjar | Mar 19, 2017, 00:53 AM IST

  • અંજારમાં કેન્દ્રીય કાપડમંત્રી ઇરાનીના હસ્તે એડવાન્સ ટેક્સટાઇલ યુનિટનું ઉદઘાટન કરાયું
અંજાર:કચ્છ જેવો પ્રાંત આજે ઔદ્યોગિક રીતે આટલો ઝડપી વિકાસ પામશે તેવું થોડા સમય પહેલાં કોઇએ વિચાર્યું ન હતું, પરંતુ નરેન્દ્ર મોદીના નેતૃત્વ અને દુરંદેશીને કારણે આજે શક્ય બન્યું છે, તેવું કેન્દ્રીય કાપડમંત્રી સ્મૃતિ ઇરાનીએ અંજાર પાસે આવેલી વેલસ્પન કંપનીમાં શરૂ થનારા એડવાન્સ ટેક્સટાઇલ પ્લાન્ટના ઉદઘાટન પ્રસંગે જણાવ્યું હતું.

ઇરાનીના હસ્તે એડવાન્સ ટેક્સટાઇલ યુનિટનું ઉદઘાટન

250 કરોડના રોકાણ સાથે શરૂ કરવામાં આવનારા એડવાન્સ ટેક્સટાઇલ પ્લાન્ટના ઉદઘાટન બાદ તેમણે આપેલા વકતવ્યમાં જણાવ્યું કે, સ્થાનિક લોકોને રોજગારી અને વિકાસમાં સહભાગી બનાવીને જ કચ્છ અને દેશનો વિકાસ શક્ય છે. તેમણે સાથે એમ પણ જણાવ્યું કે, કચ્છમાં જ્યાં પાણી જેવો કુદરતી સંપત્તિ ખૂબ જ કિંમતી છે, ત્યાં સ્ત્રોતોને વેડફ્યા વિના અને હાનિ પહોંચાડ્યા વિના હાંસલ કરાયેલા વિકાસનું આ શ્રેષ્ઠ ઉદાહરણ છે. કંપનીના મેમોરિયલ હોલમાં યોજાયેલા કાર્યક્રમની શરૂઆત રાષ્ટ્રગીત સાથે કારાઇ હતી, બાદમાં દિવ્યાંગ બાળકોએ કૃષ્ણલીલા ભજવી હતી.

વડાપ્રધાન નરેન્દ્ર મોદીના વિઝન પર ભરોસો: બી.કે. ગોયેન્કા

આ પ્રસંગે કંપનીના ચેરમેન બી.કે. ગોયેન્કાએ જણાવ્યું કે, નરેન્દ્ર મોદીના વિઝન અને તેમના વિશ્વાસે તેઓએ અંજારમાં 10 હજાર કરોડનું રોકાણ કર્યું અને આજે રોકેલો એક એક રૂપિયો એક-એક ડોલર જેટલો નફો આપી રહ્યો છે. તેમણે મોદીની સ્કિલ્ડ ઇન્ડિયા વિશે જણાવ્યું કે, મોદીના સ્કિલ્ડ ઇન્ડિયાથી પ્રભાવિત થઇ તેમણે 2 વર્ષમાં 17 હજાર યુવાનને વિવિધ તાલીમ આપી સ્વનિર્ભર કર્યા છે અને આવનારા સમયમાં કચ્છ સહિત અન્ય જગ્યાએ 25 હજાર લોકોને તાલીમ આપવાનું લક્ષ્ય તાક્યું છે.

તેમણે પોતાની કંપની નરેન્દ્ર મોદીના મેક ઇન ઇન્ડિયા અને મહિલાના સ્વનિર્ભરતા માટે પ્રતિબદ્ધ હોવાનું પણ જણાવ્યું હતું. આખરે તેમણે જણાવ્યું કે, આજે કંપનીની ઓળખાણ કચ્છથી છે. કચ્છના સાંસદ વિનોદ ચાવડા, સંસદીય સચિવ વાસણભાઇ આહિર, ગાંધીધામના ધારાસભ્ય રમેશ મહેશ્વરી, કલેક્ટર મુકુલ ગાંધી સહિતના અધિકારીઓ અને કર્મચારીઓ ઉપસ્થિત રહ્યા હતા.

વધુ તસવીરો જોવા આગળની સ્લાઇડ્સ પર ક્લિક કરો...
 
(Bhuj Gujarati News) સાથે જોડાયેલા અન્ય (Kutchh Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Smriti Irani Opening of Advance Textile Units at Anjar
(Read News in Gujarati from Divya Bhaskar)
DBPL T20

Next Article

Recommended