Home »Kutchh »Bhuj» ફાગણમાં પ્રખર તાપ : ભુજ, નલિયા, રાજકોટ સૌથી ગરમ

ફાગણમાં પ્રખર તાપ : ભુજ, નલિયા, રાજકોટ સૌથી ગરમ

DivyaBhaskar News Network | Mar 21, 2017, 03:55 AM IST

  • ફાગણમાં પ્રખર તાપ : ભુજ, નલિયા, રાજકોટ સૌથી ગરમ,  bhuj news in gujarati
ફાગણમાસ ચાલી રહ્યો છે. ચૈત્ર શરૂ થવાને હજુ સપ્તાહ બાકી છે, ત્યારે સૂર્યનો પ્રખર તાપ શરૂ થતાં આગામી ઉનાળો કાળઝાળ બને તેવા એંધાણ જોવા મળી રહ્યા છે.

ભુજમાં પારો ત્રણ ડિગ્રી ઉંચકાઈને સોમવારે 38.8 પર પહોંચી જતાં શહેરીજનોએ અકળામણ અનુભવી હતી. સવારે તથા સાંજે ભેજના પ્રમાણમાં નોંધપાત્ર ઘટાડો થતાં હવામાન ગરમ અને સૂકું રહ્યું હતું. રાજ્યમાં સર્વાધિક ઉષ્ણતામાન ભુજમાં નોંધાયું હતું, તો નલિયા અને રાજકોટ 37.6 ડિગ્રી સાથે બીજા સ્થાને રહ્યા હતા. નલિયામાં લઘુત્તમ તાપમાન 17.8 ડિગ્રી રહેતાં ભારે વિષમતા વર્તાઈ હતી. કંડલા પોર્ટમાં મહત્તમ તાપમાન 36.7 અને માંડવીમાં 32.5 ડિગ્રી રહ્યું હતું. ભુજની હવામાન કચેરીએ સપ્તાહ દરમિયાન શહેરનું તાપમાન 35 ડિગ્રી રહેવાની કરેલી આગાહીમાં સોમવારે ફેરફાર સાથે એવી શક્યતા બતાવી હતી કે, આગામી 6 દિવસ દરમિયાન પારો 37થી 38 ડિગ્રી રહેશે. રાતનું તાપમાન પણ એકાદ-બે ડિગ્રી ઉચું જશે.

ભુજ 38.8

નલિયા 37.6

રાજકોટ 37.6

અમરેલી 37.2

સુરેન્દ્રનગર 37.0

વિદ્યાનગર 36.8

કંડલા એરપોર્ટ 36.7

ગાંધીનગર 36.5

ક્યાં કેટલી ગરમી

(Bhuj Gujarati News) સાથે જોડાયેલા અન્ય (Kutchh Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: ફાગણમાં પ્રખર તાપ : ભુજ, નલિયા, રાજકોટ સૌથી ગરમ
(Read News in Gujarati from Divya Bhaskar)
Cricket Champions League

Next Article

Recommended