Home »International News »Latest News »International» Australian Delegation To Take Part In Vibrant Summit 2013

30 સભ્યોનું ઓસ્ટ્રેલિયાનું ડેલિગેશન વાઇબ્રન્ટ ગુજરાત સમિટમાં ભાગ લેશે

Agency | Jan 07, 2013, 17:01 PM IST

નોલેજ અને એજ્યુકેશન, ક્લિન ટેક્નોલોજી, પાવર-એનર્જી ક્ષેત્રે રોકાણની તકો
 
ઓસ્ટ્રેલિયા ઇન્ડિયા બિઝનેસ કાઉન્સિલનું એક પ્રતિનિધિ મંડળ આ વખતની વાઇબ્રન્ટ ગુજરાત સમિટમાં ભાગ લેવા આવશે તેમ જાણવા મળ્યું છે. આ સમિટ 8 જાન્યુઆરીથી શરૂ થઇ રહી છે. ઓસ્ટ્રેલિયા ભારત સાથેનાં બિઝનેસ રીલેશન્સ સુધારવાનાં ભાગરૂપે આ પ્રતિનિધિ મંડળ મોકલી રહ્યું છે. 
 
પ્રતિનિધ મંડળમાં 30થી વધુ સભ્યો હશે. જેમાં વિવિધ ઉદ્યોગો અને સંસ્થાઓનાં પ્રતિનિધિઓ હશે. આ સમિટમાં એઆઇબીસી પાર્ટનર છે. કાઉન્સિલે ભારતમાં ઉદ્યોગો સ્થાપવા ઇચ્છતાં લોકોને ખાસ આમંત્રણ પાઠવ્યું હતું. કાઉન્સિલનાં સભ્ય મનોજકુમારે જણાવ્યું હતું કે, વાઇબ્રન્ટ ગુજરાતમાં જઇને અમે પ્રોફેશનલ, સોશ્યલ અને કલ્ચરલ ક્ષેત્રે બિઝનેસની તકો ખોળવા જઇ રહ્યા છીએ. બંને પક્ષે ઉદ્યોગો સ્થાપવા માટેની આ તક છે. 
 
તેમણે કહ્યું હતું કે, એક.કે.દાશનાં નેતૃત્વમાં આવેલા 14 સભ્યોનાં પ્રતિનિધિ મંડળે ઓસ્ટ્રેલિયાની મુલાકાત લીધી હતી અને અહીંની બિઝનેસ કોમ્યુનિટીને ગુજરાતમાં રોકાણ કરવા અને સમિટમાં ભાગ લેવા માટે આમંત્રણ આપ્યું હતું.
 
કુમારે વધુમાં કહ્યું કે, ઓસ્ટ્રેલિયન બિઝનેસ માટે ગુજરાત એ લેન્ડ ઓફ ઓપોર્ચ્યુનિટી છે. ખાસ કરીને નોલેજ અને એજ્યુકેશન, ક્લિન ટેક્નોલોજી, પાવર અને એનર્જી સેક્ટરમાં તકો રહેલી છે. 
 
Gujarati News સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: australian delegation to take part in vibrant summit 2013
(News in Gujarati from Divya Bhaskar)

Next Article

Recommended

      PrevNextNext