Home »Gujarat »Bardoli Jilla »Vankal» માંગરોળની પાંચ ગ્રા.પંચાયતની ચૂંટણીમાં 90 ટકાથી વધુ મતદાન

માંગરોળની પાંચ ગ્રા.પંચાયતની ચૂંટણીમાં 90 ટકાથી વધુ મતદાન

DivyaBhaskar News Network | Mar 20, 2017, 03:00 AM IST

  • માંગરોળની પાંચ ગ્રા.પંચાયતની ચૂંટણીમાં 90 ટકાથી વધુ મતદાન,  vankal news in gujarati
માંગરોળતાલુકામાં વિભાજિત થઈ સ્વતંત્ર ગ્રામપંચાયતનો દરજ્જો પ્રાપ્ત કરનાર પાંચ જેટલી ગ્રામપંચાયતોમાં સરપંચ સભ્યપદ માટે ચૂંટણી યોજાતા મતદારોએ ઉત્સાહપૂર્વક સરેરાશ નેવું ટકાથી વધુ જંગી મતદાન કર્યું હતું.

માંગરોળ તાલુકાની નવરચીત ગ્રામપંચાયતોમાંથી એકમાત્ર નાનીફળી ગ્રામપંચાયત બિનહરીફ સમરસ થઈ હતી. જ્યારે અન્ય પાંચ ગ્રામપંચાયતોમાં ઉમેદવારો વચ્ચે ખરાખરીનો જંગ જામ્યો હતો. સ્થાનિક ગ્રામપંચાયતની ચૂંટણી એટલે ગ્રામજનોની પોતાની ચૂંટણી હોવાથી અન્ય ચૂંટણીઓ કરતાં જંગી મતદાન થાય છે. જેમાં સવારથી મતદાન કેન્દ્રો ઉપર મતદારોની લાંબી કતાર લાગી ગઈ હતી. ઉમેદવારોએ મતદારોને પોતાની તરફેણમાં કરવા એડીચોટીનું જોર લગાવી દીધું હતું. જેમાં ધોળીકુઇ-ઝીનોરા સંયુક્ત ગ્રામપંચાયતમા બૂથનં-1 ધોળીકુઇમાં 510નું મતદાન સાંજ સુધીમાં થયું હતું. ઝીનોરા બૂથનં-2માં 386નું મતદાન નેવું ટકાથી વધુ મતદાન નોંધાયું હતું. ધોળીકુઇ-ઝીનોરા ગ્રામપંચાયતમા ત્રણ ઉમેદવારો વચ્ચે ત્રિપાંખીયો જંગ ખેલાયો હતો. ઉપરોક્ત ધોળીકુઇ ગ્રામપંચાયત જિલ્લા પંચાયતના સભ્ય દીપકભાઈ વસાવાના વતનની હોવાથી તેમણે પણ દિવસ દરમ્યાન હાજર રહી પોતાના ઉમેદવારોને જિતાડવા જોર લગાવ્યું હતું. પાતલદેવી ગ્રામપંચાયતમા 949નું મતદાન થતાં 91 ટકા જંગી મતદાન થયું હતું. ગ્રામ પંચાયત જિલ્લા પંચાયત સભ્ય પુષ્પાબેન ચૌધરીના વતનની ગ્રામપંચાયત હોવાથી ત્રિપાંખીયો ચૂંટણી જંગ ખેલાયો હતો. મોલવણ ગ્રામપંચાયતમાં 684નું મતદાન થયું હતું. છમુંછલ ગ્રામપંચાયતમા 540નું મતદાન થયું હતું.

(Bardoli Jilla Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: માંગરોળની પાંચ ગ્રા.પંચાયતની ચૂંટણીમાં 90 ટકાથી વધુ મતદાન
(Read News in Gujarati from Divya Bhaskar)
DBPL T20

Next Article

Recommended