Home »Gujarat »Bhuj »Rapar» હવે પૂર્વ કચ્છના વાહનના વેરા અને પાસિંગ ગાંધીધામમાં

હવે પૂર્વ કચ્છના વાહનના વેરા અને પાસિંગ ગાંધીધામમાં

DivyaBhaskar News Network | Mar 18, 2017, 04:00 AM IST

  • હવે પૂર્વ કચ્છના વાહનના વેરા અને પાસિંગ ગાંધીધામમાં,  rapar news in gujarati
ટ્રાન્સપોર્ટેશન રિપોર્ટર. ભુજ

કચ્છમાંબે પ્રાદેશિક વાહન વ્યવહાર કચેરી કાર્યરત છે, ત્યારે હવે પૂર્વ કચ્છમાં વસતા લોકોએ તેમના વાહનો અંગેની મોટાભાગની કામગીરી ગાંધીધામ ઓફિસથી કરવાની રહેશે. વાહન વેરા ઉપરાંત નવા વાહનના પાસિંગ માટે ગાંધીધામની આરટીઓમાં કામ પૂરું કરવામાં આવશે. દરમિયાન, 1લી એપ્રિલથી સંભવત: વાહન 4 સોફ્ટવેર અમલી બનતાં મોટાભાગની કામગીરી ઓનલાઇન થાય તેમ જાણવા મળી રહ્યું છે.

પૂર્વ કચ્છ જિલ્લાના અંજાર, ગાંધીધામ, ભચાઉ અને રાપર પંથકની મોટરિંગ પબ્લિકને સુવિધા રહે તે માટે ગાંધીધામમાં એઆરટીઓ બનાવવામાં આવી છે. પૂર્વ કચ્છ જિલ્લામાં સમાવાતી મોટરિંગ પબ્લિક કચેરીમાં વાહન વેરો ભરે તેમજ નવા વાહનનું પાસિંગ પણ ત્યાં કરવામાં આવે તે લગભગ ફરજિયાત જેમ બનવા જઇ રહ્યું છે. જોકે, આના કારણે ત્યાંના વાહનચાલકોને ફાયદો થશે અને ભુજ સુધીનો લાંબો ધક્કો બનશે. હાલમાં પણ કામગીરી રસીદ આપીને થઇ રહી છે, પરંતુ હવે તે ફરજિયાત બની જાય તેમ જાણવા મળ્યું હતું.

ભુજમાં 165 ફરિયાદનીતપાસ આજે થશે પૂરી

ગત મંગળવારે વાહન વ્યવહાર કમિશનર કચેરીના આદેશથી ભુજ આરટીઓમાં ઓડિટના નામે ખાનગી ચેકિંગ આવ્યું છે. વાહન વ્યવહાર કમિશનર કચેરીને કચ્છમાંથી મળેલી 165 ફરિયાદ અંતર્ગત ચેકિંગ આવ્યું હોવાનું સૂત્રોએ જણાવ્યું હતું, જે શનિવારે પૂરું થશે. ચકાસણીમાં આર્મી લાઇસન્સ કૌભાંડ, હેવી લાઇસન્સ કૌભાંડ અને આઇટીની રેડમાં સપાડાયેલા એજન્ટની તપાસ પણ થઇ હોવાનું સાથે સંકળાયેલા વર્તુળોએ કહ્યું હતું.

જીજે-39 હજુ અદ્ધરતાલ

કચ્છજિલ્લાનું બે આરટીઓમાં વિભાજન કરીને અંજારને જીજે-39 નંબર પણ ફાળવાયા છે, પણ હજુ રાજપત્ર પર આવવાના કારણે વહીવટી રીતે જીજે-12થી અલગ કરવામાં આવ્યા નથી. એઆરટીઓ ગળપાદર વિસ્તારમાં કાર્યરત છે, પણ સરકારી જાહેરાત મુજબ અંજારને આરટીઓનું મુખ્યમથક ગણાવીને જીજે-39 નંબર ફાળવવામાં આવ્યા છે, તેથી પૂર્વ કચ્છનું હેડક્વાર્ટર અંજાર માનવામાં આવશે.

1 એપ્રિલથી શક્યત: વાહન 4 સોફ્ટવેર અમલી બનતાં ઓનલાઇન કામગીરી થશે

(Bhuj Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: હવે પૂર્વ કચ્છના વાહનના વેરા અને પાસિંગ ગાંધીધામમાં
(Read News in Gujarati from Divya Bhaskar)

Next Article

Recommended