Home »Gujarat »Bhuj »Dayapar» ખાણોટના યુવાનની હત્યાનો આરોપી જબ્બે

ખાણોટના યુવાનની હત્યાનો આરોપી જબ્બે

DivyaBhaskar News Network | Mar 19, 2017, 04:40 AM IST

  • ખાણોટના યુવાનની હત્યાનો આરોપી જબ્બે,  dayapar news in gujarati
લખપતતાલુકાના ખાણોટ ગામમાં શુક્રવારે વહેલી પરોઢે કાંટાની વાડ મુદ્દે થયેલી યુવાનની હત્યાના ચકચારી બનાવ બાદ નારાયણ સરોવર પોલીસને હત્યાનો ભોગ બનનારની પત્નીએ નોંધાવેલી ફરિયાદ બાદ નાસી છુટેલા આરોપીને પકડી પાડવા હાથ ધરાયેલી કાર્યવાહીમાં ના.સરોવર પોલીસને સફળતા મળી છે અને હત્યાનો મુખ્ય આરોપી ભચુ સાલે જતને શનિવારે મોડી સાંજે પકડી પાડ્યો હતો.

તાલેકાના ખાણોટ ગામે શુક્રવારે વહેલી સવારે 6 વાગ્યાના આરસામાં બનેલ યુવાનની હત્યાના બનાવમાં ભોગ બનનાર ઇલિયાસ ઉર્ફે ઇભલા મામદ જત ની પત્નીએ નોંધાવેલી ફરીયાદ મુજબ મૃતક ઇલિયાસ વહેલી સવારે કુદરતી હાજતે જતો હતો ત્યારે ગામનો ભચાયા સાલે જતે તેના પતિને અગાઉ ચાર માસ પહેલા ઘરના રસ્તાની બાજુમાં કાંટાળી વાડ બનાવવા બાબતે થયેલી બોલાચાલીનું મનદુ:ખ રાખી તેણે તથા તેના સાથે બે શખ્સોએ માથામાં લાકડી તેમજ કુહાડી જેવા તીક્ષ્ણ હથિયારોથી હુમલો કરી મોતને ઘાટ ઉતાર્યો હોવાની નોંધાવેલી ફરિયાદ બાદ નાસી ગયેલા આરોપી વિરુધ્ધ ના.સરોવર પોલીસ મથકમાં ગુનો નોંધી પીએસઆઇ વી.એ.રાણાએ સઘન તપાસ હાથ ધરી હતીતેમણે જણાવ્યું હતુંકે,આ હત્યામાં જેનું નામ આરોપી તરીકે દર્શાવાયું છે તે ભચાયા સાલે જતને અમે પકડી લીધો છે જેની ઓળખ વીધી કરાયા બાદ પુછપરછ કરી તેના સાગરીતો સુધી પહોંચવા ચક્રો ગતિમાન કરાશે.

(Bhuj Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: ખાણોટના યુવાનની હત્યાનો આરોપી જબ્બે
(Read News in Gujarati from Divya Bhaskar)

Next Article

Recommended