Home »Gujarat »Bhuj »Bhachu» પોરબંદર-ભુજની ચાલુ બસે પડાણા પાસે યુવતીનો કૂદકો

પોરબંદર-ભુજની ચાલુ બસે પડાણા પાસે યુવતીનો કૂદકો

DivyaBhaskar News Network | Mar 21, 2017, 03:40 AM IST

  • પોરબંદર-ભુજની ચાલુ બસે પડાણા પાસે યુવતીનો કૂદકો,  bhachu news in gujarati
પોરબંદરથીઉપડીને ભુજ જવા સોમવારે બપોરે નીકળેલી એસ.ટી. બસ મોડી રાત્રે ગાંધીધામ તાલુકાના પડાણા પાસે પહોંચતાં ચાલુ બસે એક યુવતીએ છલાંગ લગાવી દેતાં ડખો થઇ પડ્યો હતો. બનાવ સબંધે બસ પર સ્થાનિક લોકોએ પથ્થરમારો પણ કર્યો હોવાનો મેસેજ વાયરલ થયો હતો. યુવતી ભચાઉ ખાતે પરીક્ષા આપીને પરત ફરી રહી હતી, ત્યારે બસ રોકાતા કૂદકો માર્યો હોવાની વાત પણ વહેતી થઇ હતી.

પડાણા પાસે પહોંચેલી પોરબંદર-ભુજ એસટીમાંથી નિશા ખત્રી નામની યુવતીએ કદાચ ગામડા પાસે બસ ઉભી રહે એવા ભયના કારણે ચાલુ બસે છલાંગ લગાવી દીધી હતી, પરંતુ બસ ધીમી ગતિએ આગળ વધતી હોવાથી તેને મામૂલી ઇજાઓ થઇ હતી.

બાદમાં જોકે, વિવાદ થયો હતો અને સ્થાનિક ગામલોકોએ બસ પર પથ્થરમારો કર્યો હોવાના સમાચાર વહેતા થયા હતા તો અંદર બેઠેલા પેસેન્જરોએ પણ બસમાં તોડફોડ કરી નાખી હોવાના મેસેજો ફરતા થયા હતા. બનાવને પગલે ગાંધીધામ બી ડિવિઝન પોલીસની બે વાન ઘટનાસ્થળે ધસી ગઇ હતી.

સંલગ્ન પોલીસ મથકના પી.એસ.ઓ. તુલસીભાઇએ જણાવ્યું હતું કે, લોકોનું ટોળું એકઠું થયું હતું, પણ પથ્થરમારો કે તોફડોફનો કોઇ બનાવ બન્યો નહોતો અને માત્ર બસને અટકાવીને ટોળાએ શાંતિપૂર્વક વિરોધ નોંધાવ્યો હતો.

લોકોની રજૂઆત બાદ પોલીસે સ્થિતિ થાળે પાડી મોડેથી બસને ભુજ તરફ રવાની કરવાની પ્રક્રિયા હાથ ધરી હોવાનું જણાવાયું હતું.

બસ ઉભી નહીં રહે તેવા ભયના કારણે બસ ધીમી થતાં પગલું ભર્યું

(Bhuj Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: પોરબંદર-ભુજની ચાલુ બસે પડાણા પાસે યુવતીનો કૂદકો
(Read News in Gujarati from Divya Bhaskar)
Cricket Champions League

Next Article

Recommended