Home »Gujarat »Bhuj »Anjar» અંજાર શાકમાર્કેટમાં ફરી હાઇવોલ્ટેજ ડ્રામા

અંજાર શાકમાર્કેટમાં ફરી હાઇવોલ્ટેજ ડ્રામા

DivyaBhaskar News Network | Mar 19, 2017, 04:35 AM IST

  • અંજાર શાકમાર્કેટમાં ફરી હાઇવોલ્ટેજ ડ્રામા,  anjar news in gujarati
અંજારશાકમાર્કેટમાં શુક્રવારે નગરપાલિકા દ્વારા દબાણ હટાવવાની કામગીરીમાં સાથે રહેલી સમાજસેવિકાએ શનિવારે ફરી શાકમાર્કેટમાં ફરી વળી વેપારીઓને પોતાની શાકભાજીની ગુણીઓ ઉપર રાખવાનું કહી અપશબ્દો બોલતાં બકાલું વેંચતી મહિલાઓએ તેમને ઘેરી માર્કેટ બંધ કરી હલ્લો મચાવતાં કહેવાતી સમાજસેવિકાએ પોલીસ બોલાવી ચૂપચાપ બહાર નીકળી ગયા હતા. અંજારમા એક સમાજસેવિકાએ શુક્રવારે નગરપાલિકાને સાથે રાખી શાકમાર્કેટમાં બકાલા વેંચનારાઓ દબાણ કરતા હોવાથી ભીડના કારણે છેડતી થતી હોવાની રાવ કરી હતી. જેથી પાલિકાએ નીચે બકાલુ વેંચનારાઓને થોળા સમય માટે હટાવી સંતોષ માન્યો હતો. ત્યારે શનિવારે સવારે 10 વાગ્યે ફરી કહેવાતી સમાજસેવિકાએ શાકમાર્કેટમાં ઘુસી નીચે પાથરીને બકાલું વેંચતા વેપારીઓને બેફામ બોલી અપમાનજનક શબ્દો બોલતાં બકલું વેંચતી મહિલાઓ રોષે ભરાઇ હતી. મહિલોએ ભેગા મળી માર્કેટ બંધ કરી સમાજસેવિકાને ઘેરી વળતાં તેમના પસીના છુટી ગયા હતા. જેથી તેમણે પોલીસ બોલાવી પોલીસની સામે ફરી રોફ જમાવી બેફામ બોલવાનું શરુ કરતાં પોલીસે પણ તેમને માપમાં બોલવાનું કહ્યું હતું. બાદમાં મામલો બિચકે તે પહેલા કહેવાતી સમાજસેવિકા મોકો મળે માર્કેટમાંથી છુમંતર થઇ ગઇ હતી. માર્કેટમાં થયેલી ગરમાગરમીમાં પોલીસે પણ વેપારીઓનો પક્ષ લેતાં સમાજસેવિકા મેદાન છોડી ગયા હતા.

સમાજસેવિકાના ગેરવર્તનથી સર્જાઇ બબાલ

(Bhuj Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: અંજાર શાકમાર્કેટમાં ફરી હાઇવોલ્ટેજ ડ્રામા
(Read News in Gujarati from Divya Bhaskar)
Cricket Champions League

Next Article

Recommended