Home »Daxin Gujarat »Latest News »Bharuch» Bharuch, Ankleshwar Villages Visit By Ahmed Patel

અહેમદ પટેલનો મોદીની ટીપ્પણીઓનો શાયરાના અંદાજમાં જવાબ

Bhaskar News, Ankleshwar | Dec 12, 2012, 01:40 AM IST

- ગુજરાત સરકારના બધા દાવા પોકળઃ અહેમદ પટેલ
- અહેમદ પટેલે સભાઓ ગજવ્યા બાદ ભરૂચ-અંકલેશ્વરના ગામોની મુલાકાતે
 
રાજ્યમાં પ્રથમ તબક્કાની વિધાનસભાની ચૂંટણી માટે આક્રમક પ્રચારનું સુકાન સંભાળનારા કોંગી અધ્યક્ષા સોનિયા ગાંધીના રાજકીય સચિવ અહેમદ પટેલે ભરૂચ અને નર્મદા જિલ્લામાં જાહેરસભાઓ સંબોધી હતી. મંગળવારે સાંજે પ કલાકે પ્રચાર પડઘમ શાંત થઇ ગયાં બાદ અહેમદ પટેલે તેમની આગવી શૈલીમાં કાર્યકરો અને લોકો સાથે વ્યકિતગત સંપર્ક અભિયાન આદર્યુ હતું.
 
અહેમદ પટેલે જંબુસર, આછોડ, અંકલેશ્વર, નેત્રંગ અને દેડિયાપાડામાં જાહેરસભાને સંબોધી હતી. અહેમદ પટેલને સાંભળવા વિશાળ જનમેદની ઉમટી પડી હતી. કોંગ્રેસના પ્રચારને વધુ આક્રમક બનાવી અહેમદ પટેલે તેમની જાહેરસભાઓમાં ગુજરાત સરકાર દ્વારા કરવામાં આવી રહેલાં વિકાસના તમામ દાવાઓ પોકળ હોવાનું જણાવ્યું હતું. તેમણે મુખ્યમંત્રી નરેન્દ્ર મોદી દ્વારા કરવામાં આવેલી ટીપ્પણીઓનો શાયરાના અંદાજમાં જવાબ આપી તેમની રાજકીય આક્રમતાના દર્શન કરાવ્યાં હતાં.
 
ચૂંટણીઓનો વર્ષોથી તજુર્બો ધરાવતાં અહેમદ પટેલે પ્રચાર પડઘમ શાંત થઇ ગયાં બાદ તેમની આગવી શૈલીમાં સંગઠનને મજબુત બનાવવાની દિશામાં પ્રયાસો હાથ ધર્યા હતાં.અહેમદ પટેલે મંગળવારે સાંજે અંકલેશ્વર તાલુકાના અંદાડા, માંડવા સહિ‌તના ગામોની મુલાકાત લઇ કોંગ્રેસી આગેવાનો અને કાર્યકરો સાથે મુલાકાત કરી વ્યકિતગત લોકસંપર્ક અભિયાન શરૂ કર્યુ હતું.અંકલેશ્વર બાદ તેમણે ભરૂચ શહેરના કેટલાંક વિસ્તારોની મુલાકાત લઇ વ્યકિતગત પ્રચાર અભિયાનને આગળ ધપાવતાં કોંગી આગેવાનોમાં નવા ઉત્સાહનો સંચાર થયો હતો.
(Latest Gujarati News) સાથે જોડાયેલા અન્ય (Daxin Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: bharuch, ankleshwar villages visit by ahmed patel
(Read News in Gujarati from Divya Bhaskar)

Next Article

Recommended