Home »Daxin Gujarat »Latest News »Valsad» Free WiFi Will Not Be The First Village In Vapi Canoda

વાપી નહીં પણ ચણોદ સૌપ્રથમ ફ્રી WiFi ગામ બનશે

Bhaskar News, Vapi | Mar 21, 2017, 00:12 AM IST

  • વાપી નહીં પણ ચણોદ સૌપ્રથમ ફ્રી WiFi ગામ બનશે,  valsad news in gujarati
વાપી:વાપી પાલિકાના એક કાર્યક્રમમાં તત્કાલિન કલેકટરે વાપી શહેરને વાયફાઇથી સજજ કરવાની જાહેરાત કરી હતી. પરંતુ હજુ સુધી આ પ્રોજેકટ આગળ વધ્યોનથી, પરંતુ વાપી શહેરને અડીને આવેલાં ચણોદ ગામને ફી વાયફાઇ બનાવાની કવાયત હાથ ધરાઇ છે. જેના કારણે ઇ-પેમેન્ટ,ઇન્ટરનેટ કનેકટિવિટી સહિતની અનેક સુવિધા ગ્રામજનોને મળી રહેશે. નાનું ચણોદ ગામ વાયફાઇ બનવાની તૈયારી છે,
 
વાપી પાલિકા વિસ્તારને વાયફાઇની કનેકટિવિટીથી જોડવાની જાહેરાતો કરાઇ હતી. બે વર્ષ અગાઉ વાપી પાલિકાના એક કાર્યક્રમમાં ખુદ તત્કાલિન કલેકટર ડો.વિક્રાંત પાંડેએ વાપી શહેરને વાયફાઇના નેટવર્કથી જોડવા અંગેનો દાવો કર્યો હતો. માજી પાલિકા પ્રમુખ હાર્દિક શાહે પણ આ પ્રોજેકટમાં રસ દાખવ્યો હતો, પરંતુ આજદિન સુધી આ પ્રોજેકટમાં કોઇ પ્રક્રિયા આગળ વધી નથી. ત્યારે વાપી શહેરને અડીને આવેલાં ચણોદ ગામને વાયફાઇના નેટવર્કથી જોડવાના પ્રયાસો શરૂ થયાં છે.  ચણોદ ગ્રામ પંચાયત દ્વારા 14માં નાણાપંચની  સેવા કેટેગરીની ગ્રાન્ટમાંથી આ પ્રોજેકટ હાથ ધરવામાં આવશે. આ પ્રોજેકટના કારણે ચણોદના ગ્રામજનોને ઇન્ટરનેટની ફી સેવા મળી રહેશે.
 
એપ્રિલમાં વાયફાઈનો પ્રોજેકટ પૂર્ણ થશે

ચણોદ ગ્રામ પંચાયત દ્વારા ચણોદને ફી વાયફાઇ ગામ બનાવાનો પ્રયાસ ચાલી રહયો છે. અમુક શરતોના આધિન આ પ્રોજેકટ હાથ ધરાશે.  અમરનગર,ભુલાનગર, કોળીવાડ,કે.કે.કંપાઉન્ડ, સાંઇનગરમાં મુખ્ય કેન્દ્ર રહેશે. એપ્રિલ માસના અંત સુધીમાં વાઇફાઇનો પ્રોજેકટ પૂર્ણ કરવામાં આવશે. - જીતુભાઇ માહ્યાવંશી ,સરપંચ,ચણોદ ગામ
(Latest Gujarati News) સાથે જોડાયેલા અન્ય (Daxin Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Free WiFi will not be the first village in Vapi canoda
(Read News in Gujarati from Divya Bhaskar)

Next Article

Recommended