Home »Daxin Gujarat »Latest News »Surat City» Surat Rushbha Four Road BRTS Bus Fire Traffic Jam Fire Brigade Not Reach Spot

સુરતઃ રસ્તા પર દોડતી BRTS બસમાં લાગેલી ભયાવહ આગથી ભયનો માહોલ

divyabhaskar.com | Apr 10, 2017, 15:28 PM IST

  • રસ્તા પર દોડતી BRTS બસમાં લાગેલી ભયાવહ આગથી ભયનો માહોલ
સુરતઃઅડાજણ વિસ્તારમાં બીઆરટીએસ બસ ભડ ભડ સળગી ઉઠી હતી. આગ લાગ્યાના થોડી જ ક્ષણોમાં સમગ્ર બસ આગની જવાળાઓમાં લપેટાઈ જતાં ધુમાડાના ગોટે ગોટા નીકળ્યાં હતાં. આગની જ્વાળાઓને જોઈને આસપાસમાં ભયનો માહોલ ફેલાયો હતો.
 
નજીકમાં હતો પેટ્રોલ પમ્પ
 
ભારે વાહનોથી ધમધમતા અડાજણ ખાતેના ઋષભ ચાર રસ્તા પાસે બીઆરટીએસ બસમાં અગમ્ય કારણોસર આગ લાગી હતી. જેથી સમગ્ર બસ આગની જ્વાળાઓમાં પરિવર્તીત થઈ ગઈ હતી. સળગતી બસમાંથી ધુમાડાના ગોટા અને આગની જ્વાળાઓથી આસપાસમાં ભયનો માહોલ ફેલાયો હતો. વળી બસ જ્યાં સળગી ત્યાંથી નજીકમાં જ પેટ્રોલ પમ્પ આવેલો હતો. જેથી ભારે ગભરાહટનો માહોલ પેદા થયો હતો.
 
ડ્રાયવરે વાપરી સમય સૂચકતા
 
ડ્રાયવરે સમય સુરચકતા વાપરી અને તમામ મુસાફરોને ઇમર્જન્સી ગેટમાંથી બહાર જવાનો રસ્તો કરી આપ્યો હતો. જેથી તમામ મુસાફરો સલામત બહાર નીકળી ગયા હતા.સમગ્ર બસ ખાલી થઇ ગઇ ત્યાં સુધીમાં આગની જ્વાળાઓ વધી ગઇ હતી. એકા એક લાગેલી આગને કારણે બીઆરટીએસ રૂટની આસપાસ વાહન ચાલકો પણ જમા થઇ ગયા હતા અને સ્થાનિક લોકો પણ મોટી સંખ્યામાં રોડ પર સળગતી બસ જોવા દોડી આવ્યા હતાં.
 
ભારે ટ્રાફિક જામ થતાં ફાયરને નડી અડચણ
 
બીઆરટીએસ બસમાં આગ લાગ્યાની માહિતી ફાયરબ્રિગેડને આપવામાં આવી હતી. પરંતુ ચાર રસ્તા પર જ બસમાં ભયાવહ આગ લાગી હોવાથી ચારે તરફ ટ્રાફિક જામ સર્જાયો હતો. જેથી ફાયરબ્રિગેડની ગાડીઓને ઘટનાસ્થળે પહોંચતા ભારે સમય લાગ્યો હતો. આ દરમિયાન બસ સંપૂર્ણ બળીને ખાક થઈ ગઈ હતી.

બીઆરટીએસ રૂટ કરાયો બંધ
 
બનાવ અંગે જાણ થતા ફાયર બ્રીગેડના લાશ્કરોએ તુરંત ઘટના સ્થળ પર દોડી જઇ અને આગ પર કાબુ મેળવ્યો હતો. આગ એટલી વિકરાળ હતી કે, થોડા સમય માટે રાંદેર રોડ અડાજણ પાટીયાથી વૃષભ ટાવર અને નવયુગ કોલેજ સુધીના વિસ્તારમાં ધુમાડાના ગોટા જોવા મળ્યા હતા. આ બનાવ બાદ અડાજણ પાટીયાથી જહાંગીરપુરા તરફ જતા અને ભાઠા ગામ તરફ જતા બીઆરટીએસ રૂટની તમામ બસ બંધ કરી દેવામાં આવી છે. 
આગળની સ્લાઈડ્સમાં જુઓ વધુ તસવીર
(Latest Gujarati News) સાથે જોડાયેલા અન્ય (Daxin Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Surat Rushbha Four Road BRTS Bus Fire Traffic Jam Fire Brigade Not Reach Spot
(Read News in Gujarati from Divya Bhaskar)
DBPL T20

Next Article

Recommended