Home »Daxin Gujarat »Latest News »Surat City» ઓટો એક્સપોમાં હજારોની ભીડ ઉમટી પડી

ઓટો એક્સપોમાં હજારોની ભીડ ઉમટી પડી

Rajesh Shah | Feb 17, 2013, 17:37 PM IST

ધી સધર્ન ગુજરાત ચેમ્બર ઓફ કોમર્સ દ્રારા આયોજીત ઓટો એક્સપોમાં રવિવારે લોકોની ભારે ભીડ ઉમટી પડી હતી.દેશી વિદેશી લકઝરી કાર જોવા માટે હજારો લોકો ઉમટી પડ્યા હતા. ભીડને અંકુશ કરવામાં ચેમ્બરના લોકોને નવ નેજા પાણી ઉતરી ગયા હતા.તો બીજી તરફ રસ્તા પર કાર પાર્કીની કતાર લાગી જતા કલાકો સુધી ટ્રાફીક જામ થઈ ગયો હતો.

ચેમ્બર ઓફ કોમર્સ, સુરત દ્રારા સરસાણા વિસ્તારમાં ૧૫ ફેબ્રુઆરીથી ઓટો એક્સપોનું આયોજન કરવામાં આવ્યું છે.જેમાં રોલ્સ રોયસ,મીની કુપર,પોર્શ બીએમ ડબલ્યુ જેવી કારના નવા મોડલ ઉપરાંત હાર્ડ લે ડેવિડસનના લાખોની કિંમતના બાઇક પ્રધર્શનમાં મુકાયા છે.રવિવાર હોવાને કારણે સવારથી જ લોકોની લાંબી લાઇન લાગી ગઈ હતી.

દરેક સ્ટોલ પર લકઝરી કારના ફોટા પાડવા માટે લોકોનો ધસારો થયો હતો.લગભગ ૧૦,૦૦૦થી વધારે લોકો ઓટો એક્સપોમાં આવી ચઢતા ચેમ્બરના હોદ્દેદારોને ભીડ પર અંકુશ મુકવાનું ભારે પડી ગયું હતું.રસ્તા પર કારની લગભગ બે કિલામીટર જેટલી બનેં બાજુ લાંબી લાઇનો લાગી જતા કલાકો સુધી ટ્રાફીક જામ થઈ ગયો હતો. આખરે પોલીસે ગામ તરફના એક ભાગને વન વે કરી નાકયો હતો.

તસવીરો - હેતલ શાહ

Gujarati News સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: ઓટો એક્સપોમાં હજારોની ભીડ ઉમટી પડી
(News in Gujarati from Divya Bhaskar)

Next Article

Recommended

      PrevNextNext