Home »Daxin Gujarat »Latest News »Surat City» સહરા દરવાજા પર મસમોટો ખાડો પડી ગયો, રસ્તે ચાલતા વાહનો ખાડામાં પડ્યા

સહરા દરવાજા પર મસમોટો ખાડો પડી ગયો, રસ્તે ચાલતા વાહનો ખાડામાં પડ્યા

Kulkarni Pradip | Jan 18, 2013, 16:21 PM IST

- ચાલુ ટ્રાફિકે વિશાળ ભૂવો, છ વાહન ખાબક્યા
- ૩૦ ફૂટ જેટલો ઘેરાવો ધરાવતા ૧પ ફૂટ ઊંડા ખાડામાં બે કાર, ત્રણ બાઇક અને એક થ્રી વ્હીલ ટેમ્પોચાલક પૈકી સદ્દનસીબે મોટી દુર્ઘટના ટળી
- વાહનો ધડાધડ ખાડામાં ઘૂસી ગયા બાદ અન્ય વાહનચાલકોએ ફસાયેલા લોકોને બહાર કાઢયાં, ફાયરબ્રિગેડે પણ ધસી આવી રાહત કામગીરી સંભાળી
- માર્કેટોમાં ભૂકંપ આવ્યો હોવાની અફવા ફેલાતાં લોકોનાં ટોળાં ઘટના સ્થળે ઉમટી પડ્યાં, પોલીસે ટોળાંને વિખેરવા લાઠીચાર્જ કરવો પડ્યો
 
સહારા દરવાજા પાસે બપોરના સુમારે અચાનક રસ્તા પર મોટો ભૂવો પડતાં ત્યાંથી પસાર થતાં બે કાર એક ટેમ્પો અને ત્રણ બાઇક ચાલકો અંદર ફસાઈ ગયાં હતાં. ટ્રાફિકથી ભરચક રોડનો ૩૦ ફૂટ જેટલો ભાગ અંદર બેસી જતાં પસાર થતાં વાહનચાલકોમાં તથા માર્કેટ વિસ્તારમાં ભૂકંપ આવ્યો હોવાની વાત ફેલાતા ભયનો માહોલ ફેલાઈ ગયો હતો. 
 
ખાડામાં પડેલા વાહનચાલકોને લોકોએ બહાર કાઢી લીધા હતા તો ઘટના સ્થળે પહોંચી ગયેલા ફાયરબ્રિગેડે તમામ વાહનો ક્રેઈન વડે બહાર કાઢતા જે તે વાહનચાલકો હેમખેમ ઘરે રવાના થઈ ગયાં હતાં. સદ્દનસીબે મોટી દૂર્ઘટના ટળી ગઈ હતી. પાલિકાના સેન્ટ્રલ ઝોન અને વરાછા ઝોનના અધિકારીઓ, ઈજનેરોની ટીમ ઘટના સ્થળે પહોંચી ગઈ હતી અને તપાસ કરતાં વર્ષો જૂની બોક્સ ડ્રેનેજ લાઈન તૂટી પડતાં રોડ બેસી ગયો હોવાનુ જણાયું હતું. (તસવીરો: હેતલ શાહ)

વધુ સમાચાર વાંચવા સ્ક્રોલ કરો...
 

Gujarati News સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: સહરા દરવાજા પર મસમોટો ખાડો પડી ગયો, રસ્તે ચાલતા વાહનો ખાડામાં પડ્યા
(News in Gujarati from Divya Bhaskar)

      Next Article

      Recommended

          PrevNext